Volveu gañar, e de novo por un apretado 3-2, o Volei Dumbría, na 6ª xornada de Superliga 2. Ata o definitivo set chegou o emocionante e igualado partido ante todo un histórico do volei galego, o Emeve Lugo, un equipo moi ordenado e competitivo. A igualdade foi máxima como reflicten os parciais de 24-26, 25-22, 20-25, 25-13 e 13-15.

Comezaban os lugueses dominando o primeiro set e chegando cunha cómoda vantaxe de 20-24 a final de set, pero un acertado David Redonda ao saque daríalle a volta ao marcador para acabar impoñéndose por 26-24.
No segundo set os lugueses apretaron desde un inicio e chegaron cunha vantaxe de 20-17 a final de set. A partir de aí 3 erros non forzados dos dumbrieses dar a vitoria ao Emevé por 25-22.

No terceiro set os xogadores da Costa da Morte sairían moi fortes de inicio, encabezados por un gran Néstor González ao saque, para romper o set e ao final lograrían unha cómoda vitoria por 20-25.

No cuarto set os xogadores dumbrieses saíron coa intención de impoñerse desde un principio para poder lograr os 3 puntos, pero non foi así. Os lugueses cun gran xogo en equipo lograrían unha vantaxe de 9-6. A partir de aí, as decisións arbitrales cunha falta de rotación, unha tarxeta vermella ao adestrador e unha expulsión ao colocador dumbriés, descolocarían ao equipo costeiro que aproveitou para reservar homes para o quinto set.

No quinto e definitivo set, os dumbrieses irían ao cambio cunha desvantaxe de 8-5. A partir de aí, conseguirían empatar a 8 o marcador e tras un intercambio continuo de puntos a balanza se desnivelaría a favor do Volei Dumbría para conseguir o 13-15 definitivo liderados polo oposto Néstor González que asinaría un total de 34 puntos ao finalizar o encontro.

Néstor González, ao fondo co 12, foi de novo clave na vitoria do Volei Dumbría

Tras esta vitoria, o Voleibol Dumbría sitúase 5º na clasificación con 7 puntos. O próximo partido serán o sábado día 12 ás 18:00 ante o Arona Tenerife Sur, cuarto clasificado con 10 puntos, no Pabellón Municipal de Dumbría.

Máis información

• Resultados e Clasificación Grupo A – SuperLiga 2.
• Plantel do CV Dumbría.

Novas relacionadas

• Unha derrota e un empate para as categorías inferiores do Volei Dumbría.
• Unha remontada épica para soñar.
• O Volei Dumbría volve á crúa realidade da SuperLiga2
• O Volei Dumbría engancha á afección no histórico debut en SuperLiga2.
• O Volei Dumbría comeza a súa histórica andaina pola SuperLiga2.
• O Volei Dumbría xogará na Superliga 2.

Fonte

• Volei Dumbría.