Martes. 19.03.2024
El tiempo

A Reserva Mundial de Surf Costa da Morte toma nota en Cantabria

Reunion da Reserva de Surf Costa da Morte e de Ribamontan del Mar
Reunión dos responsables da Deputación cos da Reserva Local de Surf de Ribamontán del Mar
A Reserva Mundial de Surf Costa da Morte toma nota en Cantabria

Xa na súa segunda fase de consolidación, e menos dun ano despois da súa posta en marcha, continúa avanzando o proxecto da Reserva Mundial de Surf na Costa da Morte. un proxeco singular que pode colocar a bisbarra como referente en turismo deportivo a nivel internacional.

Aproveitou a Deputación á visita a FITUR para manter un encontro con con Luís Cayón, representante da reserva de Ribamontán al Mar, a primeira Reserva Local de Surf do estado español. Cayón fixo fincapé no desenvolvemento económico que provoca a declaración na zona “xa que contribúe á fixar emprego, diminuír a emigración, acadar novos investimentos e mesmo aumentar as instalacións do sector industrial, datos que se poden comprobar”, segundo afirmou, “no territorio cántabro que veu tamén como o turismo internacional se incrementaba de 8 a 18%”.

Son xa 10 anos os que levan traballando na Reserva, e notan tamén un ”avance na conservación natural da zona e na protección das ondas como recurso esencial que garante o futuro do turismo vinculado ao turismo do surf”.

O vicepresidente da Deputación e Deputado de Turismo Xosé Regueira tomou boa nota porque “un dos pasos vindeiros da folla de ruta que temos para a Costa da Morte é a declaración de Reserva Local de camiño a afortalar a candidatura para Reserva Mundial de Surf diante de Save the Waves”.

Aí están xa no escaparate praias como as de Caión, Razo, Baldaio, Malpica, Seaia, Barra, A Tremosa, Soesto, Traba, Memiña, o Rostro e Mar de Fóra.

Novas relacionadas

Comentarios