Imaxe do Sofan-Cabana no Carral - Foto-Cabana A tenda Máis Deporte, en Cee, patrocina as Ligas de Xuvenís. Pincha e coñécenos a través do noso Facebook 7ª xornada xa das Ligas Xuvenís, e quedan 4 equipos sen coñecer a derrota. Destacan Xallas e Cee polo Sur. O dos xalleiros parece doutra galaxia e suman a frioleira de 6 goles por partido a favor e só medio en contra. O Cee tíñao máis complicado, nun duro partido no Cunchido ante un Outes que vivía a súa peor semana dende que comezou o curso, tras caer o mércores en Arliña e o sábado na casa ante un Cee que segue a estela dos xalleiros. Polo Norte, custoulle máis do esperado ao San Lorenzo (ou As Pedreiras) vencer o Laxe. E o que lle mantén o pulson é o Coristanco que batía un Corme que cae da zona de privilexio, en favor dun Ponteceso que precisamente sucumbía a pasada semana no Cairo. Parece que a Liga Norte vai estar máis fermosa que nunca este ano!  

1ª Xuvenil, Grupo Sur, xornada 7

  Xallas - Montelouro (9-1)

• Campo: San Pedro de Castriz.
• Xallas: Coke, Danis (Guillín), Pablo, Alberto (Brais), Peke (Cambón), Fran, Juanjo, Martín, Rachón (Mosti), Thiago (Grille) e Carlos.
• Montelouro: Xaco, Caamaño, Sergio, Jose, Antonio, Adrián, Javi, Joaquín, Fran, Bertín e Juan de Celia. Tamén: Alexis e Felipe.
• Goles: Adrián de cabeza para o Monteouro. Rachón (4), Carlos (4), Guillín para o Xallas.

No mercy Con moitas baixas e con xogadores con gripe e tocados (mesmo sen porteiro) que fixeron o esforzo de ir a xogar, afrontou o Louro un partido dificil ante o coco do grupo Sur. E de contado se decataron da que viña enriba porque o Xallas saíu como un vendabal e aos 12 minutos o marcador xa sinalaba un claro 4-0 con 3 de Rachín e un de Carlos. Quedou noqueado o Montelouro, e o Xallas dominaba o balón. Juan de Celia e Adrián intentaban estirar o equipo de Óscar Leis, pero a boa presión dos verdes non os deixaban crear perigo. O Montelouro estivo algo mellor na segunda metade, poñendo as cousas difíciles, pero o Xallas estaba moi concentrado e conseguía materializar as ocasión ata completar dous pókers de Rachón e Carlos, e un golazo nun centro chut de Guillín pola escuadra.   Muxía - Os Miúdos (4-3) Muxía - Os Miúdos -Foto-Muxia

• Campo: Arliña.
• Muxía: Hugo, Fran (Cristian, m.60), Josiño (Iván, m.80), Gusa, Vilela, Cristian, Marce, Mario, Rodri, Xan (Juan, m.46) e Toja.
• Os Miúdos: Xandre, Xián, Isma, Anxo (Flavio, m.65), Bruno (Ángel, m.45), Jose, Xavi, Manuel (Sergio, m.78), Javi, Raúl (Miguel, m.82) e Gesto.
• Goles: 1-0, m.7: Mario; 2-0, m.15: Josiño de penalti; 2-1, m.25: Xavi; 2-2, m.46: Xavi; 3-2, m.50: Rodri tras xogada de Mario; 3-3, m.66: Jose; 4-3, m.85: Toja.

O novo céspede dá gusto Muxía - Os Miúdos -Foto-Muxia Ponse o Muxía na zona alta coas dúas vitorias desta pasada semana sobre o novo tapete de Arliña. Pero non o tivo sinxelo nun partido de toma e daca ante un gran conxunto muradán. Comezou pegando o cadro de Luís Romaní e en 15 minutos xa levaba dous tantos no taboleiro. Espertaba o equipo de Fernando Silva e empataba cun doblete de Xavi. Repetiuse o guión na segunda. O cadro local se adiantaba e o visitante igualaba. Pero o Muxía estaba máis intenso e na segunda metade, e se ben parecía que o partido ía morrer en empate, aparecía Toja para marcar o gol da vitoria local. Aínda non rematara este tolo partido e Xavi tivo o empate nas súas botas pero non acertou. Muxía - Os Miúdos -Foto-Muxía   Outes - Cee (0-2)

• Campo: O Cunchido.
• Outes: Alex, Cartucho, Gorgal, Hortas, Joel, Saúl, Adán, Fabio (Mateo), Adrián (Kevin), Sergio, Nieto (Josiño) e Serxio.
• Cee: Carlos, Borja, Hugo, Pablo Trillo, Chema, Rubén Castillo, Álex Agulleiro, Jon, Isma, Samu e Xabi. Tamén: Iván, Saulo, Adrián, Brais e José Carlos.
• Goles: 0-1, m.50: Samu; 0-2, m.80: Isma.

Choque de titáns Partido moi físico entre dous equipos que chegaban ben arriba. O Cee, invicto mantendo o pulso do Xallas, e o Outes que sucumbía pola semana un partido terrible en Muxía, no choque aprazado no seu día pola Barca. Un choque que lle deixaba moitas baixas aos de Manu Roque, que polo menos quedou contento co debut de 3 cadetes. Foi un partido moi competido, con poucaso ocasións. Dúas pinceladas de Samu e Isma daban vantaxe aos ceenses, e o porteiro José Carlos conseguía evitar con dous paradóns a tiros de Kevin, que o Outes se metese no partido no treito final.   Corcubión - Fisterra (0-10)

• Campo: Novo Cubaleiro.
• Fisterra: Aarón, Cristopher, César, Manu, Sergio, Gabi, Ezequiel, Pichino, Dani (Isaac), Asier e Aarón.
• Corcubión: Abel, Diego, J.Angel, Juan, Luis, Samuel, Antonio, Kevin B, Kevin D, Miguel e Roberto. Tamen xogaron Mesejo, David e Rafa.
• Goles: Pichino (3), Aarón (2), Dani (2), Isaac (2) e Gabi, para o cadro fisterrán.

Aguantou 15 minutos Aguantou 15 minutos o cadro local que se deixou levar tralo primeiro gol fisterrán. A partir de aí, pouco que contar cunha soa cor no campo.  

1ª Xuvenil, Grupo Norte, xornada 6

  Ponteceso - Baio (2-1) O Ponteceso métese na zona alta-Foto-SD

• Campo: O Pinguel.
• Ponteceso: Damián, Luca, Iván Rod., Brais, Jorge, Ismail, Eloy, Aarón, Loureiro, Aday e Iván Cousillas. Tamén xogaron: Víctor, Lucas, Jose, David e Pop.
• Baio: Cedrón, Iago, Gavín, Javi Muíño, Antelo, Mohedano, Luís Eiroa, Estefan, Santi Moreira, Regueira e Manu Lea. Tamén xogaron: Julián, Queiro, Miguel, Alberto e Ayoub.
• Goles: 1-0, m.47: Eloy; 1-1, m.56: Regueira; 2-1, m.63: Iván Rod..

Os dous contentos Partido adiantado ao venres por petición dos locais, que comezaba con poucas ocasións para ningún dos dous equipos. O cadro pontecesáns comezaba combinando, como gusta, ante un Baio que se prantexaba o partido como un punto de inflexión, despous dunha reflexión conxunta importante. A base de compromiso, os de Roberto Lozano conseguiron prantar cara a todo un Ponteceso. Sin goles remataba a primeira parte, disputada, con estilos diferentes, e moita concentración. Nada máis arrincar o segundo tempo, gol local. Nesta ocasión o equipo baiés non se descompuxo, senon todo o contrario, 10 minutos despois Regueira batía a Damián co seu típico disparo raso e cruzado. Decaía o xogo dos de Gurita ante un Baio entonado, pero nunha xogada a balón parado Iván Rod. metía aos locais por diante. Volcábase o cadro baiés sobre a portería contraria, e mesmo pediu un penalti que o colexiado pitou fóra da área. Non conseguiu empatar pero o Baio quedou fortalecido polo esforzo e o sacrificio dos seus.   Laxe - As Pedreiras (1-3)

• Campo: Campo D’Area.
• Laxe: Iñigo, Manu (Álvaro), Bruno, Samu, Lolo, Niko, Valentín (Dani), Santi, Solís (Borja), Enrique (Anxo) e Bieito.
• As Pedreiras: Benjamín, Kuki, Fidalgo, Andrade, Pablo, Iván (Eloy), Alberto (Jose), Rubén (Ángel), Cotelo (Esmorís), Brais e Diego (Aarón).
• Goles: 1-0, m.7: Manu de falta dende 40 metros; 1-1, m.37: Cotelo; 1-2, m.53: Aarón; 1-3, m.58: Brais.

O líder tamén sabe remontar Tivo que empregarse o líder ante un gran Laxe, que estivo moi ben en defensa e que mesmo se viu por diante tralo gol inicial de Manu, cunha falta dende 40 metros sorprendendo a Benjamín. O San Lorenzo de Rudi non fixo o seu mellor choque, e parecía sen tensión. Aínda así levaba o peso do partido, pero chocaba unha é outra vez contra os tres centrais dos de Toni. Así ían pasando os minutos, co Laxe ben ordenado defensivamente e apagando os rachóns de xogo do San Lorenzo, ata que faltando 10 minutos para o descanso, a raiz dun rexeite dunha falta, chegaba o empate. Cambiaron as tornas na segunda metade, cun equipo visitante que cos cambios mellorou e veuse arriba e adiantouse sen demasiados méritos. Tocaba ao Laxe adiantar filas pero foi o cadro carballés o que sentenciou aproveitando os espazos deixados pola defensa local.   Sofán - Cabana (0-2) Sofan-Cabana-Foto-Cabana

• Campo: O Carral.
• Sofán: Christian, Adrián, Alberto, Ález Fidalgo, Nacho, Dani Padín, Eloy Cabeza, Gabri, Sergio, David Dourado e Brais Rey. Tamén xogou: Dani Bolón.
• Cabana: Darío, Fernando (Roberto), Rubén, López, Steven (Kevin), Julián, Álex Lema (Yago), Breo (David), Ferreiro, Alberto e Jose Ángel.
• Goles: 0-1, m.5: Ferreiro a pase de Julián; 0-2, m.60: Nando de cabeza tras un saque de banda colgado.

Un gran Darío O porteiro do Cabana Darío, foi protagonista-Foto-Cabana Fermoso e igualado partido no Carral que levou o Cabana polo maior acerto dos dianteiros e o gran partido do porteiro Darío. Comezou o Cabana forte, adaptándose ao céspede natural, e Ferreiro abría o marcador. O Sofán amosaba unha boa cara e se achegaba á meta visitante pero unha e outra vez se atopaba con Darío. Tivo tamén José Ángel un tiro para ampliar a renda do cadro de Fernando, que repeliu o pau. Na segunda, sufriu da súa propia menciña o cadro carballés e dun saque de banda chegaba o segundo. Sufríu de aí ao final o Cabana, pero soubo defender a súa portería.   Coristanco - Corme (4-0) O Coristanco Xuvenil mantense nos postos de privilexio

• Campo: A Rocheira.
• Coristanco: Eloy, Espasandín, Álvaro (Varela, m.85), Jorge, Sergio, Álex, Jose, Castro, Esteban (Anido, m.46), Carlos (Iván) e Dani (Adrián RR).
• Corme: Lucas, Ángel, Fran, Cristian, Aitor, Javi, Mauro, Manu Tasende, Bruno, Manu Garrido e Manu Bermúdez. Tamén: Ángel, Roque, Diego, Pandi e Martín.
• Goles: 1-0, m.17: José Carlos marca un golazo dende fóra da área; 2-0, m.26: Diego Castro; 3-0, m.29: Esteban a pase de Diego Castro; 4-0, m.85: Álex.
• Expulsión: o local Espasandín (m.42).

O Coristanco confirma a súa aposta Tremendo este Coristanco de Eloy que mantén o pulso co San Lorenzo como os dous únicos equipos invictos da zona norte. E chegaba á Rocheira un Corme que viña na zona alta, despois de vencer o derbi a todo un Ponteceso. O partido comezaba igualado, cun Corme insistente ante un Coristanco ben colocado que intentaba sacar o balón controlado e que buscaba ben as bandas. Presionaban ben os verdes que non deixaban sacar cómodo o balón aos azuis. E nun roubo chegaba o primeiro gol local que cambiaba a cor do partido. Tornouse verde o balón ante un Corme que non conseguía safarse dun Coristanco moito máis adiantado. Marcaba o segundo Diego Castro entrabdo dende a banda e de seguido chegaba o terceiro. Parecía o choque sentenciado cando ía a media hora pero o Corme non o daba por perdido, e chegaba a área local. Nunha desas Espasandín, nunha reacción instintiva, para o balón coa man na liña de gol, o que lle custou o cartón vermello. Perdeu aí o Corme a ocasión de meterse no partido e fallou o penalti. Quedaban 65 minutos cun home menos, e Eloy replegou filas, e botouse á loita. A base de brega conseguiron manter o tridente de Manus cormeláns, ata que xa case que co tempo cumplido, Alex protagonizou un xogadón que el mesmo empezou e finalizou que levantou aos afeccionados da Rocheira.   Zas - Camariñas (4-5)

• Campo: San Andrés.
• Zas: Hadrián; Rubén (Calo), Darío (Madelin), Brais, Ismael (Lodi); Cristian, Kevin, Dani, Adri, Álvaro (Adrián) e Andrés.
• Camariñas: Manuel, Pablo Mouzo, Dani Carvallal (Eloy, m.89), Facundo, Joseba (Hugo, m.80), Álvaro (Josiño, m.74), Brais Alonso, Dani (J. Francisco, m.86), Álex, Pablo Suárez e Brandon.
• Goles: 0-1, m.8: Brandon; 1-1, m.21: Andrés; 2-1, m.44: Andrés; 3-1, m.47: Dani Mato; 3-2, m.51: Brais Alonso; 3-3, m.77: Brandon; 3-4, m.77: Brandon; 3-5, m.85: Brandon; 4-5, m.89: Brais de penalti.

Un póker chamado Brandon Por fin chegou a primeira vitoria, e os primeiros puntos, para un Camariñas que estaba a facer moitos máis méritos no campo do que indicaban os seus números. O acerto de Brandon e unha “páxara” dos locals en 15 minutos da segunda metade, permitiron aos de Faus facer unha remontada espectacular. Comezaba o choque igualado, co primeiro gol do ex dumbriés Brandon, tras unha xogada colectiva. Un gol que espertaba aos locais, que daban a volta ao marcador, con superioridade. Mediada a segunda metade, aínda co Zas serio, un golazo de Brais Alonso metía aos visitantes de volta no partido, e o Zas comezaba a lista de erros. Brandon erixiuse en protagonista marcando 3 tantos máis ante un Zas que só recurtou ao final, e de penalti.  

Crónicas das Ligas Xuvenís

• X.6: 5 equipos invictos.
• X.5: O San Lorenzo vai en serio.
• X.4: Collendo posicións.
• X.3: O heroe inesperado.
• X.2: O primeiro derbi da historia carballesa.
• X.1: O San Lorenzo estrea As Pedreiras con goleada.

Máis información

• Mercado de fichaxes do Fútbol da Costa.
• As táboas de resultados e clasificacións en www.futboldacosta.com. Piquen dende o seu teléfono e pulsen “Engadir a pantalla de inicio”, para ter sempre os resultados no peto.
• A actualidade no Facebook “Fútbol da Costa”.