Venres. 29.03.2024
El tiempo

Novas accións de xardinería na recta final do Obradoiro de Emprego Proturismo2017

Novas accións de xardinería na recta final do Obradoiro de Emprego Proturismo2017
Sesións de xardinería e Olveiroa Sesións de xardinería e Olveiroa

O Obradoiro de Emprego Proturismo2017 promovido polos Concellos de Santa Comba, Mazaricos e Dumbría e subvencionado pola Consellería de Economía, Emprego e Industria, está chegando a súa fin.

A falta de pouco mais dun mes para o remate, o alumnado da especialidade de Instalación e mantemento de xardíns e zonas verdes do Obradoiro de Emprego Proturismo2017 está realizando tarefas de mantemento na actuación situada na parroquia de Olveira en Dumbría.

Entre as tarefas que levaron a cabo destacan a plantación de distintas especies que darán un toque de cor a praza, recentemente reformada.

Pola súa banda, o alumnado da especialidade de Promoción turística local e información ao visitante está apurando as últimas semanas para deixar preparado material turístico dos concellos de Santa Comba e Dumbría e os inventarios de recursos dos tres concellos entre outros proxectos.

https://quepasanacosta.gal/santa-comba-ten-novo-punto-de-informacion-turistica-da-man-do-obradoiro-de-emprego/

Comentarios