O Faro Fisterra debe ser o punto de información turística máis importante de toda a Costa da Morte

Non para José Fernando Carrillo de levar peticións ao Concello en nome da Asociación de Veciños Costa da Morte de Fisterra. Unha gran demostración de responsabilidade cidadá, e do poder do pobo para cambiar as nosas vilas. Nesta semana a entidade vén de presentar nada menos que 6 escritos con diferentes peticións, entre as que destacamos a solicitude de que a Autoridade Portuaria da Coruña autorice a transferencia ao Concello da xestión das instalacións en desuso para o Servizo de Sinais Marítimas no Faro Fisterra, para que poidan poñerse ao servizo dos cidadáns en materia cultural e turística.

Lembran a importancia de que o “edificio emblemático e buque insignia do turismo da Costa da Morte” poida execer labores de oficina de turismo en datas como a Semana Santa. A entidade lamenta que as instalacións lle foron concecidas á Asociación Neria (“entidade pantasma practicamente desaparecida”) mediante un convenio hai só tres anos, e a entidade incumpre as cláusulas mantendo pechado o edificio.

Outras peticións

Piden que se repoña a infraestructura viaria do Paseo da Ribeira e cálea Lago Pais con empedres e losas de pedra.

Piden tamén que se instalen na Praza da Constitución algúns módulos de parque infantil para goce dos nenos e as súas familias.

Piden que se tomen as medidas oportunas para terminar e poñer en servizo o novo Cemiterio Municipal de Fisterra, proxectado polo arquitecto César Portela.

Piden que se coloquen bancos na praza de Francisco Esmorís que son un complemento importante e básico desta infraestructura urbana ao servizo dos veciños.

Novas relacionadas

• A Ruta dos Faros… pechados.

Fonte

• Redacción de QPC ([email protected]).