Alá por marzo de 2014, aparecía varada na praia do Rostro en Fisterra. Aqueles duros temporais puideron coa tartaruga mariña que tivo que refuxiarse nas nosas costas. Quedoulle o nome do areal fisterrán. Daquela, con apenas 30 cm e quilo e medio de peso, presentaba graves laceracións nas patas, causadas por aparellos de pesca e preeiros, e sobre todo, unha gravísima estrangulación da aleta anterior esquerda por causa dunha liña que lle cortou o perímetro da aleta ata o oso. Quedáballe unha longa recuperación, a primeira parte na UCI de tartarugas mariñas que a Coordinadora para o Estudo de Mamíferos Mariños (CEMMA) ten instalada dentro da estrutura da Rede de Varamentos para o cumprimento do servizo da asistencia de varamentos da Xunta de Galicia, e posteriormente, na segunda fase, no Acuario do Grove. Tras 16 meses de recuperación, e xa con 40 cm de lonxitude e máis de catro quilos de peso o exemplar foi embarcado no porto de Portosín, Porto do Son, para ser liberado a 20 millas fronte a Corrubedo, cun chip emisor satélite integrado por primeira vez na cuncha dunha tartaruga, para poder coñecer a súa capacidade de supervivencia e os seus movementos. Nun mes xa percorrera 600 km, e cando se cumplen 3, os amigos do CEMMA cóntanos que na súa viaxe por augas abertas, Rostro percorreu 1700 km, unha media de 3,8 km/h, chegando a áreas mariñas oceánicas onde se superan os 6000 metros de profundidade e logo de pasar polos arredores da montaña submarina do Banco de Galicia. Curioso é saber que os fondos para facer este proxecto non son de capital galego, senón portuguses, pois este proxecto é posible coa colaboración do Cram-Q - Centro de Reabilitação de Animais Marinhos de Quiaios (Figueira da Foz), xestionado pola Sociedade Portuguesa de Vida Selvagem (SPVS). Esta foi a súa liberación en xullo:

Máis novas sobre animais acuáticos

• 22-09-15: As candorcas visitan Fisterra.
• 18-03-14: Raciño volve ao Gran Sol.
• 03-02-14: O lobo mariño Raciño recupérase do temporal.
• Un visita de luxo nas augas da costa
• 26-01-15: O Lobo Mariño Fisterra volve ao Gran Sol.
• 18-01-14: Os temporais achegan baleas, lobos mariños e arroaces ás nosas costas.
• 02-12-13: Crebas en forma de tartaruga e chapapote en Fisterra.
• 07-11-13: O proceso para despezar a balea enferma de 26 toneladas que varou en Muros.
• 04-11-13: Unha balea de 20 metros varada en Muros.
• 03-06-13: O tiburón momo peregrina de novo ata Fisterra.
• 18-09-12: A tartaruga fisterrá Parda volve ao mar.
• Novas visitas de golfiños, vivos e mortos, por Carnota, Fisterra e Muros.
• 07-06-12: Unha Quenlla peregrina ata a Langosteira.
• A foca Nariga volve ao Gran Sol.
• Muros, cemiterio de animais exóticos.
• Unha balea apesta Muros.
• Crónica dun ataque mortal dun tiburón en Fisterra.

Fonte

• Redacción de QPC ([email protected])
• Cemma