Catro comparsas parodiarán o Entroido de Fisterra
20:31 01/02/18
"Tortugas y peces" foi a comparsa gañadora no concurso do ano pasado
O tradicional concurso de Entroido de Fisterra - organizado polo concello - contará este ano con catro comparsas, unha menos ca o ano pasado. A cita será o martes 13 de febreiro, ás 18 horas, no pavillón da vila onde sacarán o mellor da retranca fisterrá xunto cuns traxes e posta en escea que delatan meses de traballo.
Os grupos concursantes son "Os enjominados de Sée" (de Cee) "Tortugas y peces", "Os Trotamúsicos" e "Os da Charca" (as tres de Fisterra). En total repartirantse 3.300 euros en premios (1.400 euros para o 1º premio, 1.100 euros para o 2º premio e 800€ para o 3º). A outra comparsa participante recibirá unha axuda económica de 300€.
O entroido en Fisterra arranca xa o venres, día 9, cos desfiles dos centros educativos e o sábado desfilarán distintas comparsas pola vila e a actriz Isabel Risco lerá o pregón. Xa ás 19 horas e como novidade, haberá un concurso de disfraces para adultos.
Os máis pequenos tamén terán o seu día, o domingo 11, co concurso de disfraces infantil. E para despedir o entroido, o sábado 17, farán o enterro do polbo.
Novas relacionadas
- Carnota e Cee preparan a festa do Entroido
- Máis Entroido en Zas
- Os clásicos do Entroido xa “quentan” en Malpica
- O Enterro do Percebe DollarTrump, o cumio do Entroido muxián
- Carnota prepara un entroido moi regueifeiro
- Cee reparte 4.5000 euros entre os mellores disfraces
- O Entroido de Baiñas quenta motores
- O Entroido de Fisterra xa ten cartel
- Redacción QPC ([email protected])
- Concello de Fisterra