Venres. 29.03.2024
El tiempo

Denuncian a creación dunha parada ilegal de taxis en Sardiñeiro

Denuncian a creación dunha parada ilegal de taxis en Sardiñeiro

Envía hoxe o BNG de Fisterra esta imaxe ca que denuncia a nova actuación do goberno local. Segundo sinala o recén nomeado volceiro comarcal Modesto Fraga, esta parada de taxis que estiveron onte pintando na vila de Sardiñeiro, "non conta con ningunha licenza municipal e vulnera a legalidade, amais de que está a causar graves prexuízos aos veciños".

Asegura amén o grupo da oposición que "nas oficinas municipais non consta ningún expediente nin Resolución que ubique a parada de taxis nese lugar concreto e nin sequera se realizou a oportuna exposición pública a efectos de alegación".

Foi máis alá o BNG e solicitou a presenza da policía local para que se presentase no lugar dos feitos e levantase a oportuna Acta aos efectos de que, no suposto de que non se actuara conforme á legalidade, poder acudir á vía xudicial. "Na actualidade, os regulamentos de ocupación da vía pública non exclúen do pagamento da correspondente taxa a esta parada de taxis, co que poderiamos estar diante dunha posible prevaricación", avisa o grupo, que esta mesma mañá vai presentar a denuncia.

Así, lamentan que "a política do goberno local e, particularmente, do concelleiro responsable de Urbanismo, sexa a do revanchismo persoal e non a de defender os intereses comúns de todos os cidadáns".

Novas relacionadas

Fonte

  • Nota de prensa da man de Modesto Fraga Moure, Portavoz municipal do BNG de Fisterra.

Comentarios