Mércores. 13.11.2019
El tiempo

"Quen se fai responsable das perdas de estarmos 4 horas sen luz?"

Imaxe da vila de Fisterra
Imaxe da vila de Fisterra
"Quen se fai responsable das perdas de estarmos 4 horas sen luz?"

”Para que imos loitar por un barco deportivo se depois quedamos sen luz?”, preguntábase algún hostaleiro de Fisterra esta fin de semana. I é que a vila do Cristo, aí como toda a zona do litoral atlántico fisterrán, os lugares ceenses de Lires, Canosa, Pereiriña… e mesmo algunha aldea da costa sur de Muxía, pasaron máis de 4 horas sen luz. En pleno século XXI.

Entre as 11:00 e as 15:00h, bares, hoteis, comercios… todo tipo de establecimentos, e de vivendas, quedaron sen luz, por un problema na estación da Pontella. Unha situación estrana pois a esa hora da mañá non había demasiado vento, como si fixo durante a madrugada.

”Se fose algo puntual, pois aínda bueno, pero como está sucedendo continuamente, parece que nos toman o pelo. Seguro que tardabantanto en arranxalo na Coruña…” pregúntase irónicamente o teniente alcalde Kuka Sar. Un Sar que aproveitou as redes sociais para facer política e preguntarse quen critica máis a situación, en relación ao seu partido, ao BNG, e quen son os culpables de que Galicia pague a factura eléctrica máis cara de España ao mesmo tempo que ten as infraestruturas máis precarias.

O Concello de Fisterra enviará unha queixa formal á empresa sumistradora do servizo.

Episodios semellantes temos vivido xa este outono como cando Mazaricos pasou un día enteiro sen internet pola desidia de Movistar, ou cando a mesma empresa esqueceu que a parroquia dumbiresa de Olveira tamén existe.

Novas relacionadas

Comentarios