Exitosa foi, segundo a Concellería de Comercio, Hostalería e Turismo de Laxe, a campaña comercial titulada “Namórate do Comercio de Laxe”, da que se cuantificaron un total de 10.787 operacións comerciais no marco da semana de San Valentín. Durante case un mes os que consumiron en varios establecementos da vila (Parafarmacia Alquimia, Estanco e Lotarías Casa López, Estación de Servicio Santa Rosa, Bazar Laxe Hong Fan, Chuchelandia, A Tenda do Centro, Perruquería e Estética Azabache, Floraría Rebeca, e Librería Torre Penedo), recibían un ticket, entrando nun sorte de tres vales de compra por importe de 100 €, 50 € e 25 €. O sorteo tivo lugar onte ás 14.00 horas na Casa do Concello. E xa temos gañadores. Os números premiados foron os seguintes:

• Vale por valor de 25 euros: número 09431 de Bazar Laxe Hong Fa
• Vale por valor de 50 euros: número 03175 de Estanco e Lotarías Casa López
• Vale por valor de 100 euros: número 06513 da Estación de Servizos Santa Rosa

Estes números serán válidos ata o 1 de marzo. Se non aparecesen os premiados, do 2 ó 16 de marzo, pasarán a ser válidos os seguintes números:

• Vale por valor de 25 euros: número 03425 do Estanco e Lotarías Casa López
• Vale por valor de 50 euros: número 13124 da Estación de Servizos Santa Rosa
• Vale por Valor de 100 euros: número 14641 do Estanco e Lotarías Casa López

E se aínda así non aparecen os premiados, o terceiro e último intento será para os seguintes números do 17 ó 31 de marzo:

• Vale por valor de 25 euros: número 14375 do Estanco e Lotarías Casa López
• Vale por valor de 50 euros: número 03891 do Estanco e Lotarías Casa López
• Vale por Valor de 100 euros: número 00119 de Perruquería e Estética Azabache

Fonte

• Concello de Laxe.