Venres. 06.12.2019
El tiempo

Reláxese: Nove meses, nove actividades turísticas para desestacionalizar o turismo de Laxe

Reláxese: Nove meses, nove actividades turísticas para desestacionalizar o turismo de Laxe
turismo-laxe-nove-meses

A primeira iniciativa da área do BNG dende que entrou no goberno laxense xa ten forma. Reláxese é o novo programa turístico da Concellería de Comercio, Hostalería e Turismo de Laxe, coa que se pretende establecer un programa anual de actividades turísticas que contribúan a alcanzar a desestacionalizar o turismo. Así, a iniciativa pretende incrementar a demanda turística non estacional nun 30% no primeiro ano, nun 40% o segundo e nun 50% o terceiro.

Son varios os plans específicos programados para isto, comezando pola Diversificación. Deste xeito, entre o 1 de xaneiro e o 31 de xuño, e entre o 1 de outubro e o 31 de decembro, se programen actividades dirixidas a diversificar o turismo.
A segunda pata é a integración que pasará pola unión do sector turístico, o sector comercial e o sector hostaleiro nunha estratexia de desenvolvemento local conxunta. O promotor, o concelleiro do BNG Xosé Manuel Pose Lema, xa ten redactados, de feito, os que poderían ser os estautos da nova asociación hostaleira, para promover o asociacionismo.

Dando vida ao Museo do Mar

museo-do-mar-de-laxe-agosto-2015

O último punto do plan é a dinamización, e para iso fará do Museo do Mar o centro de operacións.Un Museo que pasa boa parte do ano pechado, e que pasara a ser punto de información turística (para iso tamén nacía en 2011), e punto base para todas as actividades.

Nove meses, nove actividades

nove-meses-de-turismo

Xaneiro será o mes do Turismo Científico, poñendo en valor o propio museo do Mar, así como o antigo Laboratorio Marítimo, o xeólogo Isidro Parga Pondal ou os restos das minas de caolín ou fábricas de salazón.

Febreiro será o do Turismo Gastronómicos, cos atributos máis típicos da zona, ca lonxa e a hostalería variada como punto forte, e destacando os allos e as cebolas cultivadas no interior de Traba.

Marzo será o mes o Enoturismo, dándolle potencialidade á cultural do “chateo”, axudando a profesionalizar o sector, e fomentando a maridaxe.

Abril será o mes do Turismo Cultural, focalizando no poeta Antón Zapata, na Semana Santa ou no Naufraxio.

Maio será o mes do Turismo Ornitolóxico, con Traba como centro de operacións.

Xuño será o do turismo mariñeiro co mar e lonxa, pero tamén cos oficios de redeitas, cesteiros e mariñeros como protagonistas.

Outubro será o mes do Turismo Arqueolóxico, co Castro de Castelo e os Penedos de Traba e Pasarela como centros.

Novembro será o mes do Ecoturismo, potenciando o sendeirismo e as colleitas de cogumelos, promocionando as rutas PR-G 70 e PR-G 114.

E decemro seráo mes do Turismo Arquitectónico.

Formación

A formación será básica cun Ciclo mensual de cursos dirixidos ao sector hostaleiro, e cicos de charlas profesionais dirixidas á poboación local e visitante.

Novas relacionadas

Fonte

Comentarios