Xoves. 28.03.2024
El tiempo

15 anos de Doces de Entroido en Malpica

15 anos de Doces de Entroido en Malpica
Borlas de Froitas de Alba Villan no Certame de Doces de Entroido de Malpica Borlas de Froitas de Alba Villan no Certame de Doces de Entroido de Malpica

Tralo Deembarco Pirata, e antes da Mikaela de Buño do vindeiro sábado, o Entroido malpicán tña unha cita cos doces. O martes acolleu o Concurso Gastronómico de Doces de Entroido de Malpica, que este ano celebrou o seu 15º aniversario, e reuniu a centos de persoas no polideportivo municipal. Os máis pequenos puideron gozar durante toda a tarde cos xogos inchables, o karaoke, o futbolín, o touro mecánico e, por suposto, a degustación de doces que puxo o punto final á celebración.

Os peques disfrutaron da festa e do Certame de Doces de Entroido de Malpica Os peques disfrutaron da festa e do Certame de Doces de Entroido de Malpica

Foron un total de 25 os participantes nas tres categorías establecidas: infantil, amateur e profesional. O xurado, integrado por representantes do Concello e das entidades colaboradoras, Asociación de Redeiras Mar da Illa e ANPA Ventorillo, tivo que enfrontarse a unha difícil tarefa dada o elevado nivel. Sabor, presentación, orixinalidade e tradición mesturáronse nunha tarde que encheu de animación o polideportivo municipal.

Premio amateur no Certame de Doces de Entroido de Malpica Premio amateur no Certame de Doces de Entroido de Malpica

Na categoría infantil o primeiro premio foi para as “Borlas de froita” de Alba Villanueva; o segundo, para as “Magdalenas multicolor” de Noelia Garrido, e o terceiro, para o “Brazo de xitano de Entroido” de Brais Casal. Na categoría profesional o gañador foi o “Queique con máscara” do JB, mentres que o segundo posto correspondeu ao “Flan de mandarina” do Cachón e o terceiro, ao “Flan de café con nata” do Brebaxe. Polo que respecta a categoría amateur, na que se rexistrou a maior participación e que foi, polo tanto, a máis rifada, trunfou o “Queique de laranxa e canela” de Luisa de Spellos. O segundo premio foi para a “Tarta de cereixas” de Isabel Camiño Mouzo, e o terceiro, para a “Tarta de trufa” da Asociación de Amas de Casa.

QUEIQUE CON MÁSCARA - JB no Certame de Doces de Entroido de MalpicaQUEIQUE CON MÁSCARA - JB no Certame de Doces de Entroido de Malpica Queique con máscara de JB no Certame de Doces de Entroido de Malpica XURADO Certame de Doces de Entroido de Malpica Xurado Certame de Doces de Entroido de Malpica  

Novas relacionadas

Fonte

Comentarios