Xoves. 28.03.2024
El tiempo

3 centros de Bergantiños reciben os novos ultraportátiles do programa E-Dixgal

3 centros de Bergantiños reciben os novos ultraportátiles do programa E-Dixgal
Novos equipos de Exdigal para o proxecto Abalar Novos equipos de Exdigal para o proxecto Abalar-Foto-David Romero

Tres centros educativos de Bergantiños, adheridos á iniciativa E-Dixgal, veñen de recibir nvos portátiles para o desenvolvemento das activididades educativas. O IES Urbano Lugrís (Malpica), o EFAG Fonteboa (Coristanco) e o CEIP A Cristina (Carballo) recibiron a pasada semana 133 ultraportátiles continuando coa premisa de impulsar a extensión do libro dixital nos centros educativos galegos.

Os novos equipos dos alumnos poden ser empregados como portátil ou como tableta, son táctiles e traen integradas un amplo conxunto de aplicacións educativas agrupadas por categorías como imaxes en 3D de planetas, táboa periódica ou editor de moléculas para ciencias; dicionarios para as materias de lingua; apps de experimentos e circuitos eléctricos para física ou de operacións e gráficas para matemáticas, entre outras.

Novos Contidos

Respecto aos contidos, en marzo estarán dispoñibles os novos contidos do Grupo Planeta aulaPlaneta, que se incorpora como terceiro provedor de contidos curriculares dixitais para as materias de 5º de primaria a 2º da ESO, sumándose aos actuais, Netex e Edebé.

aulaPlaneta integrará na plataforma do libro dixital máis de 7.800 recursos curriculares para 5º e 6º de Primaria e máis de 12.500 recursos para 1º e 2º da ESO. Ademais das materias obrigatorias, ofrece máis de 400.000 recursos educativos de animacións, fotografías e gráficos de alta calidade, vídeos e fragmentos sonoros, estatísticas actualizadas, atlas mundial, cronoloxías, artigos de temas de actualidade, navegador visual, etc. Tamén ofrece máis de 500 horas de formación a profesores para a integración e desenvolvemento da competencia dixital docente.

Fonte

  • Xunta.

Comentarios