A Consellería do Medio Rural e do Mar vén de convocar 3 novos permisos de explotación para a confraría de pescadores de Malpica dirixidos á extracción de percebe para o marisqueo a pé.

Para poder optar aos permisos de explotación, os solicitantes deben cumprir, entre outros, os requisitos esixidos no Decreto 425/1993, do 17 de decembro, na orde pola que se regula a extracción do percebe e presentar a documentación requirida pola Consellería do Medio Rural e do Mar.

O prazo de presentación de solicitudes será de 15 días hábiles dende hoxe, tras a publicación desta convocatoria no taboleiro de anuncios da xefatura territorial e na páxina web da Consellería conselleriamar.xunta.es.

s solicitudes presentaranse nas oficinas de rexistro da Xunta de Galicia, oficinas de correos ou no resto de lugares indicados na Lei de réxime xurídico das administracións públicas e do procedemento administrativo común. Unha vez rematado o prazo de solicitude, a Consellería do Medio Rural e do Mar procederá á súa valoración.

Novas relacionadas

• Percebeir@s a ritmo do mar.
• Unha de percebeir@s dende Malpica.
• Madrid xa está pescando peixe e marisco da Costa da Morte.
• Corme esgotou cos 1.000 quilos de percebes do Roncudo.
• Unha homenaxe, en vídeo, á figura de percebeiro.
• Unha nova documental pechará a triloxía sobre o mar de Laxe.

Fonte

• Redacción de QPC ([email protected]).