Cocedura tradicional da Mostra de Oleria de Buño 2017 Xa está en marcha, queda aínda toda esta semana de actividades e tradición, a Mostra de Olería de Buño, e coma sempre, o pistoletazo de saída deuno a Cocedura Tradicional que se realiza no Ecomuseo do Forno do Forte. Foi durante a segunda xornada, a sabatina, despois dun venres de presentacións oficiais e moito baile galego. Un sábado no que o Forno do Forte recibiu a máis de mil persoas procedentes de todo o territorio español e, aínda que en moita menor cantidade, tamén do estranxeiro. A presidenta dos Oleiros Carme Labrador durante a presentación oficial O alcalde de Malpica xa é case que un experto cocedor Unha cocedura especial este ano, pois recuperou os ouriñais, que deixaron de fabricarse hai anos. Foron nada mesmo que 1.500 pezas as que se coceron este ano no Forno do Forte, e entre elas figuran, por primeira vez, os tradicionais ouriñais ou pericos. “Era algo que había en todas as casas e que se facía en todas as olerías, e en Buño tamén”, sinalou o director do ecomuseo, Paco Doval, quen destacou o éxito desta 19ª Cocedura Tradicional: “Saíu todo moi ben”. Aos mandos do lume estivo coma sempre o oleiro Antonio Pereira, O Rulo, acompañado dun alcalde, Eduardo Parga, xa feito todo un experto na materia. Alí estiveron toda a mañá preparando e cargando o forno para prendelo arredor das 16:00h. Aínda quedaba moito choio. Durante toda a tarde haique darlle aos atizadores para manter a temperatura arredor dos 1.000 graos que se precisan para que as pezas queden ben cocidas. A xornada rematou coa Festa da Carroa, aproveitando as brasas para preparar un bo churrasco que serviu de escusa para comentar as anécdotas da xornada antes de dar renda solta á diversión coa música do grupo Pelepau, que está a piques de comezar a súa actuación. O domingo foi día de ver o resultado, e disfrutar da música de De Vacas, demostrando que a aposta deste ano pola música galega vai dar moito aire a esta Mostra. De Vacas amenizou a sesión vermú Mostra de Oleria de Buño

Programa

 

Novas relacionadas

• Carmen Isabel Labrador: “Renovamos a imaxe da Mostra da Olería e incorporamos novos grupos musicias para atraer ás novas xeracións”.
• A Deputación apoia con 80.000€ a 34ª edición da Mostra da Olería de Buño
• A Romaría de Santo Hadrián e a Olería de Buño ensalzan Malpica na Festur
• Unhas 15.000 persoas visitan Buño durante a Mostra da Olería
• Os Bolechas visitan a mostra da Olería de Buño
• A tradición reivindica Buño como epicentro artesán galego
• Carmen Isabel Labrador: “Xa temos ganas de que comece a Mostra da Olería de Buño”.
• A Mostra de Olería de Buño homenaxeará a Luciano García Alén.
• A Deputación destaca o potencial económico e turístico da olería de Buño.
• Diplomas, merenda e unha exposición despediron o Pequeoleiros
• O Pequeoleiros chega á súa fin
• Os escolares de Buño toman contacto coa olería
• A deputación cede ao concello de Malpica a xestión do Ecomuseo de Buño
• Os oleiros levantan a Mostra de Olería de Buño
• Buño recuperará o Forno da Costa.
• Os Oleiros de Buño, no Congreso Internacional de Turismo de Ferrol.
• Os Oleiros asumen a organización da Mostra de Olería de Buño.
• O edificio do Centro Comarcal de Bergantiños volve a mans do Concello.
• A Mostra da Olería de Buño quere voltar ao Centro Comarcal.
• Os oleiros multiplícanse por Malpica.
• De obsequio institucional da Deputación, unha peza de Buño.
• Un oleiro en perigo de extinción.

Últimas Mostras

• 2013: Unha longa semana de olería para celebrar 30 anos de Mostra.
• 2012: O turismo mantén viva a Mostra de Olería de Buño.

Fonte

• Redacción QPC ([email protected])