Venres. 29.03.2024
El tiempo

A Deputación da Coruña comprométese a crear un grupo de traballo para acadar melloras infraestruturais en Malpica

Imaxe da visita institucional do presidente da Deputación Provincial da Coruña en Malpica.
Imaxe da visita institucional do presidente da Deputación Provincial da Coruña en Malpica.
A Deputación da Coruña comprométese a crear un grupo de traballo para acadar melloras infraestruturais en Malpica

O presidente da Deputación Provincial da Coruña, Valentín González Formoso, comprometeuse a crear un grupo de traballo para acadar melloras infraestruturais no Concello de Malpica. A vila recibiu hoxe a visita institucional do presidente da entidade provincial, ao que acompañou o alcalde de Malpica, Walter Pardo, e algúns dos membros tanto do equipo de goberno como da oposición.

Realizaron unha visita á instalación da empresa Forjados El Progreso, para coñecer a súa actividade. Ás 13:00 horas, o presidente da institución provincial foi recibido polo alcalde na Casa do Concello.  Tamén visitaron a Confraría de Pescadores, onde puideron contemplar algunhas das obras que Urbano Lugrís pintou en Malpica; e a Lonxa e o Fogar do Pensionista, acompañados dos membros do goberno municipal.

Deputación Malpica 4

Pola súa banda, o alcalde de Malpica, Walter Pardo, sinalou que “o noso concello ten o anhelo de deixar de ser un territorio periférico e arraigar poboación. Para posibilitar este obxectivo, son moitos os retos que temos trazado, e gustaríanos contar co apoio da Deputación Provincial”.

En palabras do presidente da Deputación, Valentín González, “esta visita serve para coñecer a realidade da vila de Malpica. Faremos un exame realista e o meu compromiso é facer un grupo de traballo para aportar ideas, todo para revitalizar esta vila da Costa da Morte. Hai que escoitar a todas as persoas, ter en conta as tendencias e cales son os camiños a tomar", aportaba González.

Deputación Malpica 3

Comentarios