O alumnando dos centros escolares de Malpica participan nuns obradoiros sobre a igualdade Durante estes meses a área de Igualdade do concello de Malpica de Bergantiños está a desenvolver unha serie de obradoiros de educación para a igualdade nos centros educativos. Os talleres enmárcanse dentro do programa Construíndo Igualdade, que ten como principais obxectivos “traballar a sensibilización e a concienciación do alumnado dos centros educativos dende os primeiros anos do seu desenvolvemento vital e así favorecer un cambio de mentalidades dos futuros homes e mulleres da nosa  comunidade”, segundo explica a axente de Igualdade, Patricia Vaquero. Os obradoiros impartíronse durante o mes de outubro no CEIP Joaquín Rodríguez Otero de Buño e participou todo o alumnado do centro, dividido por ciclos. Os máis pequenos, do 1º ciclo de primaria, participaron en Contos pola igualdade; os de 2º ciclo, nun taller de corresponsabilidade, e os de 3º ciclo de primaria, en educación para a igualdade. En novembro será a quenda do CEIP Milladoiro, no que as actividades tamén chegarán a todo o alumnado. Os obradoiros son impartidos pola axente de Igualdade do Concello de Malpica de Bergantiños, contratada ao abeiro do programa de desenvolvemento de políticas de Igualdade entre mulleres e homes e de loita contra a violencia de xénero da Deputación Provincial da Coruña para o ano 2015. Fonte

• Redacción QPC ([email protected])
• Concello de Malpica