Despois da reunión mantida entre o alcalde de Malpica, Eduardo Parga Veiga, e o conselleiro de Sanidade, Jesús Vázquez Almuíña, Malpica pode asegurar que en breve se levarán a cabo obras de mellora no Centro de Saúde de Malpica. O edificio presenta algunhas necesidades derivadas, fundamentalmente, da antigüidade da construción.

Dado que se trata dun inmoble de titularidade municipal, a Consellería de Sanidade estudará as actuacións precisas e abordará súa execución a través dun convenio de colaboración co propio Concello de Malpica.

Eduardo Parga aproveitou a xuntanza para propoñer tamén o traspaso do centro de saúde á Xunta de Galicia, que no concello xa xestiona directamente o de Buño. Deste xeito, o Sergas asumiría a xestión e o mantemento do centro de saúde de Malpica, que agora recaen no Concello.

Fonte

• Concello de Malpica.