No porto de Malpica segue instalada durante toda esta semana a segunda tirolina portátil máis longa de toda España: 150 metros de largo e 11 de altura. Permite sobrevoar o porto a maiores e cativos desde 20 ata 115 quilos.

Emoción e seguridade total coa empresa Multiocio E.T. de Valdoviño, posuidora do récord de Europa de tirolina portátil en 200 metros. Os interesados/as tedes de prazo ata o domingo. O horario é de 16.00 a 23.00 horas ata o venres, e a fin de semana das Festas do Mar (os días 24 e 25) en horario completo de mañá e tarde. O prezo son 5 euros por persoa, que inclúe dúas viaxes.