Seguen os pais e nais do CEIP Milladoiro de Malpica esperando unha resposta da Xunta á súa petición de establecer a xornada única no centro. Conscientes de que o proceso está en marcha e que se está estudando, consideran que o tempo se bota enriba, pois xa están ca terceira avaliación e non conseguen unha resposta á viabilidade do proxecto escolar presentado pola Anpa Milladoiro e a directiva do centro.

I é que xa levan nada menos que 22 anos (“vinte e dous!”) a voltas coa xornada continua e pensan que xa é hora.

Por iso anuncian que van realizar unha concentración de familias no patio do colexio o vindeiro mércores 15 de abril ñas 16:30 para reclamar unha resposta á petición de xornada única. E invitan a todas as familias de Malpica a que secunden a manifestación e loiten polos dereitos de todos.

Novas relaciondas

• 30-03-15: A Anpa do colexio de Malpica esixe o visto bo da Xunta para a xornada única.
• 19-11-14: Xornada continua nas escolas?.
• 14-11-14: Os recortes nas escolas xa están na rúa.
• 30-06-14: A ANPA do CEIP de Malpica esixe unha solución aos problemas de persoal.
• 05-09-11: Os recortes no ensino deixan torto o CEIP Milladoiro de Malpica.
• A ANPA do Eugenio López volve solicitar a xornada única.

Fonte

• Redacción de QPC ([email protected]).