Rego creado na praia de Estorde-Foto-@EstordeMo Lugar do rego creado en Estorde

Parece que está mudando a fisionomía da praia de Estorde. Hai 7 anos a praia lucía unha excelente Bandeira Azul, pero a falta de atención e coidado está destrozando un dos lugares máis atractivos (e accesibles) da contorna.

A praia de Estorde, foi unha das 4 praias que suspenderon na calidade das augas o pasado verán por falta de saneamento. As estatísticas de final de ano do Sergas aínda determinan que alasificación sanitaria, calculada cos resultados dos controis das catro últimas tempadas é Insuficiente.

Este ano a cousa parece que empeora. A finais do pasado verán formouse unha balsa de auga do río na marxe esquerda da praia, na parte máis alonxada do mar. As mareas e a saída rego de Estorde, que vén do lugar de arriba, está provocando a creación dunha balsa que separa o areal da zona verde, provocando ademais que o noiro medre considerablemente.

Unhas augas que proceden da Estación Depuradora de Augas Residuais (EDAR) que non para de aliviar por exceso de augas e que, segundo varios veciños, adoitan estar sucias.

Responsabilidades?

Dende o Concello de Cee, que debería te aberto unha saída para que o río saíse dereito á auga do mar polo seu sitio natural, aseguran que é un asunto que debe solventar Costas, pero a veciñanza da zona, que xa ten preguntado ao consistorio, teme que este verán comecen os cheiros, e a praia quede sen praia. Un feito que suporía un grande pau para o lugar, onde un hotel-restaurante, varios bares e un camping dependen da calidade deste areal.

Estado da balsa de sauga de Estorde os pasados meses &nbps;

Novas relacionadas

• 2017: Lires e Estorde, entre as 4 praias que suspenden na calidade das augas.
• 2017: O BNG de Cee solicita medidas urxentes no saneado dos areais con augas de calidade insuficiente:
• 2011: Estorde, entre as praias con Bandeira Azul.

Fonte

• Redacción de QPC ([email protected]).