Sábado. 08.08.2020
El tiempo

As vítimas do Serpent volverán recibir a súa singular e emotiva homenaxe

As vítimas do Serpent volverán recibir a súa singular e emotiva homenaxe
Xosé Manuel Pato Gonzalez (delegado da Real Liga Naval Española), no medio Oscar R. Fraga da Patrulla Auxiliar Maritima e a dereita Juan Campos Xosé Manuel Pato Gonzalez (delegado da Real Liga Naval Española), Oscar R. Fraga da Patrulla Auxiliar Maritima e Juan Campos, na Homenaxe ao Serpent de 2008 Entramos no mes de novembro, o mes dos naufraxios por excelencia. Asi o determina a historia do HMS Serpent, ese cargueiro británico que afundía un 10 de novembro de 1809 na Punta do Boi. O ano pasado cumprironse 125 anos, e non faltou a homenaxe ás súas vítimas e a todos náufragos do mar. Este 2016 tampouco fallará a emotiva cita, convocada dende 2007 pola Real Liga Naval Española. Falamos dunha homenaxe singular, pois se celebra no medio da natureza, en pleno novembro e ás 22:00h, coincindo co tráxico suceso, precisamente no Cemiterio dos Ingleses, o lugar onde repousan os corpos dos náufragos do crucero torpedero da Royal Navy HMS Serpent, ademais das vítimas doutros dous sinistros, dous mercantes ingleses, o Iris Hull (1883) e o Trinacria (1893). No acto estarán presentes representantes da RLNE e do Concello local entre eles o alcalde de Camariñas don Manuel Valeriano Alonso de León, o edil Sergio Caamaño, o delegado da RLNE na Costa dá Morte Rafael Lema e o investigador e membro da RLNE Juan Campos Calvo-Sotelo, o gran culpable de sembrar os cimentos desta homenaxe dende os seus inicios. Ademais da ofrenda floral a todas as vítimas do mar, terá lugar unha actuación do Coro Municipal de Mulleres de Camariñas e unha representación teatral en recordo de varios soados naufragios acaecidos no lugar. O embaixador de Gran Bretaña en España Simon Manley enviou un comunicado de agradecimiento ao labor desempeñado pola RLNE e o Concello de Camariñas para honrar a memoria das vítimas do HMS Serpent. A necrópolis de Punta do Boi é un dos poucos camposantos galegos incluídos na Ruta Europea de Cemiterios Singulares.

Novas relacionadas

Máis novas

Fonte

comentarios