Mergulladores polo pecio da fragata de Padilla en augas de Camariñas-Foto-Buceo Finisterre Espectaculares os novos datos que veñen de descubrir recentemente duns pecios que gardan coma tesouros as augas de Camariñas. A Real Liga Naval Española vén de sinalan que dous pecios sumerxidos na zona da Virxe do Monte e O Corno, poden ser cinco depósitos de canóns entre o século XVI e o XVIII, pertencentes aos galeóns da armada española perdida por Martín Padilla en 1596. Outro correspondería ao correo marítimo "A Cantabria" de 1773; e coñécese o suceso do 18 de abril de 1783 cando naufragou na zona a fragata napolitana da Real Armada Española "As Dúas Cathalinas", de 34 canóns, con 232 homes, marineros napolitanos e soldados franceses da chamada Legión de Lauzun, retornados da Guerra de Independencia de Estados Unidos. Novas investigacións da RLNE indican que se trata do último dos barcos perdidos polo noso país na mesma, polo tanto o seu valor histórico é incuestionable. Novos traballos de investigadores como Luís Marcial García Rebollo ou José María Lancho citan o caso da fragata "As Dúas Cathalinas" como o último barco perdido pola Real Armada nesta guerra. O mesmo ano de 1783, só se perdeu o navío O Dragón, con 300 homes. Con todo o desastre da nosa fragata foi por mor dun temporal e polos baixos de O Farelo e A Betanceira que enfilan cara ás Quebrantas, non por acción bélica, que saibamos. José María Lancho estima necesario investigar algún destes barcos polo seu relevancia internacional, e manifesta a súa "preocupación pola desprotección dalgúns destes buques, yacimientos arqueológicos que representan un auténtico legado común das dúas Américas e España. Creo que sería un magnífico desafío conmemorativo intentar a excavación dun destes navíos... un proxecto que rivalizaría en valor histórico, con éxito, a recreación feita por Francia da fragata Hermione que trasladou á Fayette a Boston".

Novos datos

Maqueta da Fragata Duas Catalinhas de Martin Padilla O pecio do importante naufraxio histórico fora localizado fai dous anos no baixo O Batel na zona da Virxe do Monte de Camariñas, e agora coñécense estes novos datos. Avistáronse fai dous anos tres canóns de ferro e bronce que balizan o pecio do transporte militar As Dúas Cathalinas, do Reino de Nápoles, pero que formaba parte da Real Armada Española, unha fragata naufragada o 18 de maio de 1783. Este barco levaba soldados franceses de 7 regimientos que participaran na Guerra dos Estados Unidos, e polos apelidos non vemos ningún mercenario foráneo. No pecio vense dous depósitos de canóns que marcan a zona rocosa onde se acha o pecio, a uns 20 metros da costa e 5 metros de profundidade. Nun dos puntos localizouse un canón grande encima doutro máis pequeno. Outro canón longo de máis de 1,70 metros áchase máis preto de terra e é o que en principio podería correr perigo de ser expoliado. Son armas de artillería embarcada características do século XVIII, posiblemente de fábrica francesa, de ferro e bronce. Un dos canóns áchase bastante atacado de “arneirón”, e nos tres casos as pezas están fixadas ás rocas debido ao tempo trascurrido; e xa que logo cos dous problemas habituais neste tipo de obxectos, as alteracións galvánicas polo contacto entre distintos metais e as deposiciones calcáreas que causa a solidarización dos obxectos ao fondo. Un temporal e as fortes correntes da entrada de ríaa levaron o barco aos baixos do Batel, sendo recuperados 8 corpos, que foron enterrados no actual cemiterio de Camariñas, xa usado nesta época como a súa igrexa de San Jorge. Son pois 7 soldados galos e un marinero siciliano, por referencias no Libro Sacramental nº 16, 1714-1819, do Fondo Parroquial de Camariñas do Arquivo Histórico Diocesano de Santiago de Compostela. Alí o 18 de maio de 1783 o párroco de Camariñas José Antonio Pedreira Ron e Lanzós anota o enterro das vítimas da embarcación napolitana que viña desde Cádiz a Brest transportando tropas francesas de regreso da guerra contra Inglaterra. Ese día o cura dá enterro a Antonio Peché, soldado do regimiento de Languedoc. Outros foron atendidos, malferidos, en Camariñas, e propiciaron un lento goteo de mortes. O 9 de xuño enterra a Francisco Penabelt, soldado do regimiento de Metz. O 16 a Bartolomé Poter, de Villaverni, provincia de Danfoss; do regimiento de Rovengué, compañía de Bounizben. O 19 morre Juan Bautista Lle Decieux, soldado do regimiento de Lusanie (Lauzun?), compañía de Lavoisiere. O 23, Miguel Robert, do regimiento de Nustrie, compañía de Lagrange. O 25, Miguel Massanet do regimiento de Dangomois (ou Danglemont?), compañía de cazadores, natural de Lieso. O 27, Joseph Merrangallo, casado, natural da cidade e obispado de Frapani nas Sicilias, un dos marineros da tripulación. E o mesmo día falece por mor das feridas Santiago Peyronnet, soldado do regimiento de Bivaset, compañía de Fontanelli.

Novas relacionadas

• 2017: Piden a paralización da extracción dos restos do Casón.
• Rafael Lema, Cabaleiro da Áncora de Prata da Real Liga Naval Española.
• 2015: Localizan o pecio dun galeón do século XVI nas augas de Camariñas.
• 2014: Localizan o pecio das Dúas Catalinhas nas rochas de Camariñas.
• Investigadores europeos destacan a riqueza dos pecios da Costa da Morte.

Fonte

• Rafael Lema, da RLNE.