Fisterra, Corme e Malpica levan a peor parte e sofren a ferocidade do temporal
11:07 03/02/17
Temporal de mar en Fisterra-Foto-David Trillo Gallego
93.40 l/m2 caeron en Fisterra durante esta pasada madrugada, a marca máis alta rexistrada en toda Galicia. Pero non quedou niso a cousa. A vila do Cristo rexistrou refachos de vento de 164 km/h (había tempo que non lembrábamos cousa tal), a segunda marca de Galicia por detrás de Lardeira (en Ourense), onde viviron 182 km/h en Lardeira.
Pero non quedou aí a cousa, en Malpica zoou o vento a 141 km/h, polos 138 de Lira, cifras tamén moi significativas.
A parte máis espectacular dos nosos temporais tamén tivo protagonismo. E con grandes imaxes vividas en zonas como Fisterra, Malpica ou Corme, onde as ondas superaron os diques. Por exemplo, a boia do Vilán-Sisargas rexistrou ondas de 11.72 m de altura significativa.
Así estaba o Rostro esta pasada tarde…
@4gotas_com así desaparece a Praia do Rostro en Fisterra. Sobretodo precaución con achegarse as praias pic.twitter.com/vPe4jkb75L
— anton silva (@antonsilva77) 02 febreiro 2017
Estragado o peirao de Corme
Rompeu o dique de Corme-Foto-Paula Pombo copia Foron tan intensas as ondas por Corme que levaron un bo anaco do muro do dique. A zona superior do dique sufriu a forza do mar e sucumbiu. Ademais, boa parte do dique, dende a curva ata a punta do peirao, segue sen luz dende a pasada madrugada, o que supón un verdadeiro perigo, nunha vila na que a Policía xa pechou o paso tanto a peóns como a coches pola Ribeira e por debaixo da Igrexa. O mar superou a ribeira de Corme onte pola tarde-Foto-JesuandecormeLaxe e Muxía tamén sufriron
Así estaba o mar esta mañá por Laxe-Foto-Jonas Xa saben que os barcos de Laxe tiveron que emigrar a Camariñas, como acontece en cada temporal, polo mal estado do porto, mentres os políticos seguen enzarzándose en leas. Por Muxía as ondas fixeron tremer a zona do Coído e mesmo chegaron ás portas do santuario da Barca. As imaxes son impresionantes Temporal de mar en Muxia-Foto-David Trillo Gallego Así está a zona do Faro en Muxía-Foto-Lita Blanco275 incidencias rexistradas no CAE 112 Galicia pola meteoroloxía adversa
Un total de 275 incidencias foron xestionadas entre as 18:00 horas de onte e as 07:00 horas de hoxe no CAE 112 Galicia. Árbores e pólas nas estradas (176) continúa sendo a incidencia maioritaria neste episodio de meteoroloxía. Deseguido, destácanse os 23 incidentes por obxectos varios nas estradas, 15 incidencias relacionadas cos cables de luz nas estradas e 13 derrubamentos entre outros. Por provincias, houbo 109 na Coruña. Por exemplo na zona, ademais do desaloxo do IES Ramón Caamaño de Muxía ao desprenderse parte da súa cuberta, os Bombeiros de Cee tiveron que acodir a retirar unha árbore no lugar da Devesa (Vimianzo), na estrada que vai dende Berdoias a Ponte do Porte da Devesa. Tiveron que usar varias motoserras para retirala. En Sardiñeiro, Fisterra, tamén tiveron que pechar a estrada porque unha árbore quedou pendurada dos cables da luz. Estrada pechada en Sardiñeiro por unha árbore-Foto-Jose Insua Continúa o temporal Mentres seguimos en Alerta Laranxa por vento e Alerta Vermella no mar. Os amigos de 4gotas, comentan que esta tarde de venres volverá a arreciar forte o vento. Algo menos que na madrugada, pero volverán a acadarse refachos de máis de 100km/h en toda a Costa e moitos puntos superarán os 120. Ademais choverá de xeito intenso.Mañá sábado cálmase un pouco a situación en canto ao vento, aínda haberá vento forte (pero non tan forte), pero seguirá a chover durante boa parte do día.
O domingo aínda o seguirá facendo na madrugada e na mañá, parando ao mediodía e deixando unha tarde de domingo tranquila!!
Novas relacionadas
- 02-02-17: Desaloxan o IES Ramón Caamaño de Muxía ao desprenderse parte da súa cuberta.
- 02-02-17: O temporal pon en alerta vermella o mar da Costa
- 01-02-2017: Un quimiqueiro queda á deriva fronte a costa de Fisterra.
- 01-02-2017: Temporal de mar en Laxe: barcos a terra (ou a Camariñas).
Fonte
- Redacción de QPC ([email protected]).