Un pai e un neno rescatados en Fisterra tras caer ao mar mentres facían surf
Helicoptero traballando no rescate na zona Porto de Fisterra
Susto enorme este mediodía en Fisterra. A presencia do helicóptero de Salvamento alertaba a toda a veciñanza dun rescate nas augas da praia de Langosteira. Un pai e o seu fillo perdían o control mentres facían surf, e eran arrastrados pola marea sen poder saír da auga.
Varios particulares chamaban ao 112, e de contado chegaba o helicóptero e a lanxa de Salvamento, así como aos Servizos Sanitarios de Urxencia, ao Servizo de GardaCostas de Galicia, á Policía Local e aos efectivos de Protección Civil.
Pronto era rescatado o menor, tras ser localizado polo helicóptero e rescadato pola embarcación local de Pedro Gaseosas. Poucos minutos despois, arredor da 13:00h, o seu pai era rescatado pola embarcación “Don Inda” de Salvamento. Os dous foron trasladados ata o Peirao de amarre de Fisterra, onde os agardaba unha ambulancia do 061, que os trasladou ata o Centro de Saúde, ao que entraron polo seu propio pé.
O home entraba polo seu propio pe no Centro de Saude
