Xa temos o cartel definitivo do XII Festival Castelo Rock de Muros 2015. Nada menos que 8 grupazos de caña para esta festa guitarreira, e se xa sabiamos que El Drogas, Heredeiros da Crus e Soziedad Alkoholika serían cabezas de cartel, agora toca engadirlle outros míticos da escena de coiro estatal: Boikot.
Completarán o elenco Arrhitmya, Skandalo GZ, Biribirlocke e Archivo Adxunto, para unh festival que terá lugar o 7 e o 8 de Agosto na Praia do Castelo de Muros.

"O cartel deste ano ten unha gran calidade musical. Ademais os grupos elixidos teñen un gran poder de convocatoria, o que ampla a afluencia de visitantes notablemente. Do mesmo modo, como no resto de edicións apostamos pola participación maioritaria de bandas galegas como defensa da cultura da nosa terra" indicou Pedro A. Lago presidente da ACRD Praia do Castelo, entidade sen ánimo de lucro que organiza o festival.

O escenario principal do Castelo Rock estará situado no recinto portuario de Muros, lugar onde se celebra este festival dende a súa primeira edición en 2003. Por este, espazo de 5.000 metros cadrados, pasaron os grupos de rock máis destacados da escena nacional: Los Suaves, Barricada, Rosendo, Barón Rojo, Boikot o Ilegales. Por suposto, tamén se contou coa presenza das mellores agrupacións galegas como Siniestro Total, Dios Ke Te Crew o Dakidarria.

Outros servizos

Ademais, os días do festival celebraranse actividades gratuítas en diferentes localizacións da zona antiga do pobo co obxectivo de converter o pobo enteiro nunha festa e que poida participar público de todas as idades.
Como en anteriores edicións habilitarase unha zona de durmida gratuíta ata completar aforamento, situada no Pavillón Polideportivo de Miraflores. Trátase dun recinto cuberto dotado de baños e duchas para garantir a comodidade dos visitantes.

Máis información

O bono de dous días poderá adquirirse por 16€ ou as entradas a 12€, nos diferentes puntos de venda e en www.castelorock.com dende xa. Aínda que o prezo de saída é este, irá subindo a partir da venda dos 1000 primeiros bonos.

• Facebook do Castelo Rock de Muros.
• www.castelorock.com.
• Axenda Sonora da Costa da Morte.

Novas relacionadas

• Herdeiros da Crus, Soziedad Alkoholika e El Drogas, cabezas do Castelo Rock 2015.
• O Castelo Rock xa ten data e recibe unha mellor axuda municipal.

Axenda Sonora 2015

• Los Suaves e Siniestro Total gastarán as nosas gorxas no Nordestazo 2015.
• Un mes Asaltando o Castelo.
• Tokio Sex Destruction, Cápsula e Terbutalina prederán lume ó Rockin Carballo.
• Luar na Lubre e Birimbao encabezan o FestiFolk Costa da Morte, unha homenaxe á Gaita galega.

Fonte

• Redacción de QPC ([email protected]).