Quente continúa o caso do peche da planta de Calvo en Esteiro. E o último en botar leña ao fume foi o deputado Carlos López Crespo, do Grupo Parlamentario Popular, que segundo denuncia CCOO, faltoulles ao respecto ás traballadoras afectadas en plena cámara autonómica.

Acontecía o pasado luns 4 de decembro, cando o parlamentario, ademais de acusar a CCOO de mentir en relación co peche da planta, tentou minimizar un traslado forzoso de máis de 60 quilómetros aducindo que as traballadoras «seguen indo comprar ao mesmo supermercado» ou incluso «van á mesma igrexa á misa ou aos enterros».

Para CCOO, “é indigno que un representante do pobo se amose máis preocupado por defender un grupo empresarial que o ano pasado facturou máis de 60 millóns de euros que a unha localidade xa moi castigada como é Esteiro”. T

Por todo isto, desde CCOO piden a renuncia do seu escano a López Crespo.

Novas relacionadas

• 23-11-17: A Xunta ofrece apoio a un proxecto viable para a fábrica de Calvo en Esteiro.
• 10-11-17: A Xunta responde a En Marea que a única saída da planta de Calvo en Esteiro é unha cooperativa dos traballadores
• 09-11-17: A Xunta comprométese a apoiar unha inciativa empresarial na planta de Calvo en Esteiro
• 06-11-17: Os traballadores de Calvo Esteiro queren negociar xa as condicións do traslado a Carballo.
• 19-10-17: O PSdG anima á mobilización para manter a planta de Calvo en Esteiro.
• 29-09-17: Calvo anuncia o traslado dos traballadores de Esteiro a Carballo:

Fonte

• Redacción de QPC ([email protected]).
• Consellería do Mar