Muros ten unha cita ca sexualidade
09:02 16/06/21
Poucos eventos acolle a Costa da Morte en materia de diversidade sexual. Por iso cómpre darlle visibilidade, para poder falar de xénero, e de amor.
A vindeira cita, organizada polo BNG de Muros, será este venres 18 cunha charla na Fábrica de Sel, afondando en como o Movemento LGBT+ é unha gran ferramenta de transformación e cambio na nosa sociedade.
Os protagonistas serán dous referentes na loita polos dereitos e a visibilidade do colectivo LGBT+ galego: Daniela Ferrández do colectivo AmiZando e Xandre Garrido Doce do colectivo Avante LGBT+.
