O CEIP Ramón de Artaza de Muros celebra as Letras Galegas
08:06 17/05/17
O alumnado do CEIP Ramón de Artaza de Muros desfrutou onte dunha xincana de xogos populares no patio do centro
Onte foi un día de festa para os alumnos e alumnas do CEIP Ramón de Artaza de Muros. Con motivo da semana das Letras Galegas, a xornada de onte estivo adicada aos xogos populares sendo o acto central da celebración.
O sol acompañou a xornada que comezou ás 11 horas cunha xincana de xogos populares no patio do colexio. Os zancos, o pano, tiro de corda, chapas, carreiras de sacos ou as canicas foron algúns dos diferentes xogos nos participaron todos e cada un dos grupos nos que estaba distribuido o alumnado baixo a atenta mirada dos nenos e nenas de sexto curso que repartidos por cada posto eran os encargados de supervisar cada xogo tal e como tiña organizado o equipo de actividades extraescolares e a profesora Lidia Fernández Veloso como responsable do equipo.
Alumnado e profesorado disfrutaron sen parangón nunha xornada lúdica que transcorríu sen incidentes e que tivo moi boa acollida por parte dos rapaces e rapazas.
Dentro deste ciclo de actividades está programado para mañá xoves unha sesión de Lecturas Interaulas onde os máis maiores falaranlle aos máis pequenos sobre o autor homenaxeado deste ano: Carlos Casares, e as súas obras. Mostraranlles a colección de Toribio para os máis pequenos e leranse títulos como "Lolo anda en bicicleta", "O can Rin e o lobo Crispín", "O galo de Antioquía", entre outros. Unha actividade que lles gusta moito aos máis pequenos e motiva aos maiores que nalgunhas ocasións chegan a facer dramatizacións de contos ao nivel dos mellores contacontos.
O venres 19 levarán a cabo outra actividade chamada “Libros ao Patio”. Distribuídos en grupos con varios encargados que levarán a súa mochila de lecturas para compartir, comentar e falar sobre os personaxes e os contos do autor homenaxeado nun marco moi motivador e agradable como é o patio exterior do centro.
Novas relacionadas
Máis Programas das Letras Galegas 2017
- Os Empresarios de Ponteceso únense ao Festiletras con Festisabores, Festidescontos e Festitaxis
- A Biblioteca de Santa Comba achega as Letras Galegas a pequenos e maiores.
- A familia da Mazarica medra polas Letras Galegas.
- Vimianzo, Camariñas, Laxe e Carnota homenaxean a Carlos Casares no día das Letras Galegas.
- Fisterra e Cee presumen de Letras
- Cee adica o mes de maio a Baldomero Cores
- Malpica sumérxese No Tempo das Letras
- Completo programa cultural para o maio das Letras de Zas.
- Muxía celebra o mes das letras con distintas actividades.
- Os centros educativos de Coristanco preparan o certame literario Asunción Antelo.
Fonte
- Redacción QPC ([email protected])