Seguen as propostas gastronómicas costeira buscando unha D.O. I é que non hai recuncho da Costa da Morte que non teña un sabor especial. Hoxe coñecemos dúas novas propostas: unha dende Muxía, que repite Ruta de Pinchos, e outra dende a Deputación coa presentación dunha caseta para o Salón Galego de Gastronomía onde a Costa da Morte estará ben representada.

A Costa da Morte no XANTAR

A Deputación da Coruña estreará o seu novo stand institucional na 13ª edición de Xantar, o Salón Galego de Gastronomía e Turismo que acolle a cidade de Ourense. O salón abrirá as portas mañá e rematará o próximo 5 de febreiro.

A Costa da Morte formará parte do stand da Deputación e estará presente as Rías altas (dividida nos subdestinos Ferrolterra e A Coruña-As Mariñas), Rías Baixas (cos subdestinos Ría de Muros-Noia e Ría de Arousa) e Terras de Santiago.

Ruta dos pinchos de Entroido en Muxía

E Muxía xa non falta á súa cita coa Ruta dos PInchos. Así, o Concello de Muxía ten aberto o prazo de inscrición para os establecementos que queiran participar na Ruta –degustación de pinchos de Entroido. Os establecementos que queiran participar teñen para anotarse ata hoxe mesmo, mécores 1 de febreiro.

A ruta dos pinchos de entroido farase os días 18 , 19, 25 e 26 de febreiro, co mesmo funcionamento que en anos anteriores. Será unha ruta de degustación, non un concurso e as persoas que participen percorrendo os bares da ruta poderán optar a unha cesta de produtos de entroido (cachola, chourizos, grelos, etc…) que sorteará o Concello de Muxía.

Máis novas gastronómicas

• Álvaro Cunqueiro tamén quere xantar nas Garzas.
• O iogurín do Coral gaña o Concurso de Tapa Muxía.
• Preto de 400 menús se degustaron na xornada Vimianzo gastronómico durante o mes de novembro.
• O porco celta e a centola de Lira estiveron na Feira Algusto de Bilbao.
• A Slow Food Galicia prantexa o ano dende o Vimianzo Gastronómico.
• Preto de 400 menús se degustaron na xornada Vimianzo gastronómico durante o mes de novembro.
• O Porco Celta loita contra o fraude da man da Slow Food.
• Un grupo de austríacos coñecen a auténtica Costa da Morte.
• A Pataca Fina de Carballo vaise cocendo a lume lento.
• A Raínha Lupa revive cun Mercado Ecolóxico en Quilmas.
• 500 cogumelos máis nun novo libro micolóxico con semente da Costa.
• Achegando o sabor do mar ao interior.
• Entrevista con Manuel Gago: “O litoral da Costa ten propiedades hipnóticas”.
• A denominación de orixe da Costa da Morte triunfa no Forum Gastronomic de Girona.
• O Proxecto Berberecho, unha aposta pola diferenciación.
• Presentación do Convivium Galicia da Slow Food: A Costa comeza a “xantar de vagar”.

Fonte

• Redacción de QPC ([email protected]).