Comezaron estes días as obras na Praia da Cruz de Muxía. Unhas obras que intentarán impedir que os temporais volvan espallar toda a area pola estrada de entrada na vila da Barca. Uns temporais que durante este inverno levaron o muro de contención e mesmo a pasarela de madeira instalada para separalo areal da estrada.

Esta primeira fase das obras consisten basicamente nun movemento de areas e na construción dun muro de contención de pedras, dándolle un metro de ancho dende a beirarrúa e facendo un par de accesos á zona.

Unha vez rematen estas obras, tocaralle o turno a Tragsa, que ademais de finalizar o acondicionamento da praia da Cruz tamén afrontará outras obras nas zonas afectadas polos temporais, como son as praias de Leis, Lago e Os Muíños. De feito, na praia de lago toca unha boa obra de canalización do río Grande, mntres nas praias dos Muíños tamén tocará facer unha remodelación da estrada que as une.

A idea é para telo todo listo para o comezo do verán.

Novas relacionadas

• Esta fin de semana, Feira Multisectorial de Muxía.
• Concello e Empresarios do Camiño en Muxía planifican a recepción de peregrinos.

Fonte

• Redacción de QPC ([email protected]).