Calou ben a iniciativa do Clúster de Turismo de Galicia na asociación Muxía Turismo Rural. Por iso veñen de decidir sumarse ao selo “Galicia Destino Familiar”. En concreto sumaranse xa os aloxamentos Hostel Monasterio de Moraime, Casa de Trillo, Casa de Lema e Casa Fontequeiroso.

A iniciativa ten como principal finalidade situar á nosa Comunidade como destino de referencia en turismo para as familias, por medio dunha estratexia común por parte dos establecementos especializados no segmento familiar.

O proxecto do Clúster inclúe un plan de comunicación que conleva varias actuacións. Unha delas é o publicitar devandito selo en internet e redes sociais, ademais de estar presentes en feiras como Fitur ou o Fairway. Haberá tamén xornadas de difusión, entre as que se atopan dous talleres prácticos a celebrar na Coruña e Vigo.

Igualmente, serán levadas a cabo campañas publicitarias en medios de Galicia, Castilla e León, e Portugal. O proxecto difundirase tamén en revistas especializadas. Os asociados ao selo recibirán devandito distintivo para colocalo nos seus establecementos.

• O turismo rural de Muxía fixo o seu agosto colgando o cartel de “completo”
• Nace “turismo.dacoruna.gal”, unha páxina web coas principais ofertas turísticas da provincia
• O Turismo Rural de Muxía colgou o cartel de “completo” en Semana Santa
• O promotor do albergue de Moraime incorpórase á Asociación Muxía Turismo Rural

• Redacción QPC ([email protected])
• Asociación MuxíaTurismo Rural