Despois das obras realizadas en dous pequenos puntos de Corcubión e Fisterra, onde o Camiño toca asfalto, a Xunta está a realizar melloras da seguridade na AC-440, xa en Muxía. Esta intervención estase a levar a cabo na zona correspondente co punto quilométrico 12+220, ao seu paso por Casas Novas.

Os traballos consisten na execución de dous tramos de senda en ambas as marxes da estrada. Tamén se disporán bandas transversais de alerta e reforzarase a sinalización coa fin de incrementar a seguridade neste punto.

Unhas obras necesarias, pero ademais de ser realizadas en pleno agosto, lamentablemente son apenas parches para todas as necesidades que hai na materia no Camiño costeiro.

Novas relacionadas

• Agosto 21: En marcha as necesarias melloras de seguridade do Camiño na curva de Talón.
• Rematadas as obras da senda de peregrinos en San Roque.