Xoves. 13.08.2020
El tiempo

A baixada de Augas bravas en kaiak, un recurso deportivo e turístico real na Costa da Morte

Aarón Rei, Xurxo Quintáns e Iago Canosa queren amosar o potencial que teñen os ríos da Costa da Morte para facer baixadas de Augas bravas en kaiak
Aarón Rei, Xurxo Quintáns e Iago Canosa queren amosar o potencial que teñen os ríos da Costa da Morte para facer baixadas de Augas bravas en kaiak
A baixada de Augas bravas en kaiak, un recurso deportivo e turístico real na Costa da Morte

Cos ríos que temos na Costa da Morte xa tardaba en aparecer esta disciplina. A baixada de augas bravas en kaiak está collendo sona pouco a pouco. En parte gracias á visibilidade que lle están dando os kaiakistas Iago Canosa, Xurxo Quintás e Aarón Rei, que recoñecen o potencial da comarca para esta modalidade.

Ríos como o Grande, o Xallas ou o Castro son perfectos para remar, para baixar disfrutando ao máximo da natureza, como o demostra estre espectacular treito gravado polo río Grande, entre Vimianzo e Carantoña.

Preguntámoslle a Aarón Rei sobre a dificultade de realizalo. “Partes como este treito entre Vimianzo e Carantoña si que son de dificultade alta, son para xente cun bo nivel, é o que denomina un tramo de nivel 4 (os treitos catalóganse desde 1, que é auga plana, ata 6, que é a máxima dificultade). Pero na zona temos de todo. Por exemplo o seguinte tramo do Grande, que vai desde a saída da central de Carantoña ata a Ponte do Porto é un tramo moito máis fácil e perfecto para iniciarse, igual que o Xallas ou o Castro”, explica.

Sumerxíndonos na disciplina, “a diferencia entre o kaiak e o rafting é que o kaiak de augas bravas é individual e o rafting é colectivo, normalmente enfocado a xente que quere ir probar alguna vez a facer unha baixada, e é moito máis fácil, os que se dedican a facer augas bravas fano todos en kaiak”.

Por agora non hai ningunha entidade que faga esta disciplina, pero o que queira animarse a probar non ten máis que poñerse en contacto con estes amantes da aventura a través do instagram de Aarón (ou o seu Facebook) ou o instagram de Iago Canosa (ou tamén polo seu FB).

Aarón explica así de sinxelo as súas intencións: “Queremos darlle visibilidade para intentar que este deporte gañe adeptos na Costa da Morte, que temos uns ríos espectaculares para súa practica”.

comentarios