O novo taekwondista xalleiro Fernando Baña Amigo participará durante este fin de semana no XXXV Open Internacional Isla de Gran Canaria que se celebra na localidade de Telde, un nos eventos máis relevantes la Liga Española de Taekwondo polo nivel dos seus competidores, moitos deles do ámbito internacional.

O xalleiro, integrante do Clube Maniotas de Noia competirá na categoría xúnior nun dos pesos que congregan máis competidores (-63 kg) e de máis nivel, ainda que Baña, logo de superar uns problemas de xeonllo durante a semana, afronta este Open coa máxima ilusión para sumar puntos no seu ranking e seguir na progresión positiva desta temporada.

Expedición do Club Maniotas camiño das Islas

A pasada semana, logo de 2 meritorias victorias en combates contra taekwondistas portugueses, acadaba un cuarto posto, lastrado por unha lesión que lle impediu competir nas semifinais do Open de Pontevedra.

Baña levará ademais a indumentaria que lucirá nos eventos ós que acuda, co escudo do concello de Santa Comba presente nun lugar privilexiado.

Novas relacionadas

• Os xalleiros Fernando Baña e Dani García Recarey demostran o seu potencial.
• Nando Baña, o primeiro xalleiro en conseguir o cinturón negro de taekwondo, busca unha Beca para o Centro de Tecnificación.
• O xalleiro Fernando Baña, na elite do taekwondo galego.