Diana Varela presentou a súa premiada novela na casa
O Xardín de Corme acolleu esta fin de semana unha presentación moi especial. A ilustre veciña Diana Varela Puñal presentaba o seu libro, “A conxura”, que vén de gañar o Premio Xosé Neira Vilas de Novela Curta.
Da man da activa Asociación Insua de Viastela, a responsable da editorial Medulia falou emocionada, e arroupada pola tamén escritora Claudia Castro trala presentación de María Suárez, que repasou as actividades da Asociación. Foi unha presentación moi entrañable, a primeira que Diana facía en Corme despois de nove publicacións.
Diana explicou que o lugar e o formato (sen cadeiras) foi escollido por ela mesma, e despois debullou obra é para adolescentes e nos sumerxe nun mundo “fantástico”, cheo de “descricións luminosas” e resolta de “forma maxistral”.
Como detalle, agotáronse os libros que había á venta na Papelería Vidú, así que Diana tivo unha longa cola para asinalos.
