Martes. 19.03.2024
El tiempo

A Xunta inviste na mellora da rede de saneamento do parque empresarial de Santa Comba

Visita do Delegado da Xunta na Coruña ao polígono de Santa Comba.
Visita do Delegado da Xunta na Coruña ao parque empresarial de Santa Comba.
A Xunta inviste na mellora da rede de saneamento do parque empresarial de Santa Comba

O delegado da Xunta de Galicia na Coruña, Ovidio Rodeiro, supervisou o remate das obras da Consellería de Economía, Emprego e Industria financiadas con máis de 119.000 euros para levar a cabo a mellora da rede de saneamento do polígono industrial de Santa Comba. Este parque, construído no ano 2003, ten unha superficie de 113.454 metros cadrados e conta con 24 empresas.

Ovidio Rodeiro recalcou que “esta actuación que financia a Xunta, en colaboración co Concello de Santa Comba, tivo como obxecto levar a cabo a reforma e mellora de capacidade da rede de saneamento que agora permite separar a rede de pluviais e de fecais para evitar o colapso do colector existente e reducir o bombeo á Edar de Santa Comba, xa que esta obra permite agora enviar só as augas fecais co conseguinte aforro económico para o polígono e para o funcionamento habitual da estación depuradora do municipio”.

“Esta actuación reduce o envío do caudal de augas pluviais para poder asumir un maior caudal de fecais en previsión de novas implantacións de actividades neste polígono”, puntualizou o delegado territorial.

Comentarios