21 obras propostas polo Goberno de Vimianzo para o Plan da Deputación
Malia que a oposición xa ten apuntado que só aprobará o Plan se hai consenso sobre as obras, o goberno municipal propoñerá no vindeiro pleno a celebrar o mércores día 26 un conxunto de obras que suman 21 actuacións en diferentes parroquias, para ser incluído no plan especial da deputación DTC 94.
O total do orzamento de execución chega á cantidade de 326.839,66€. Destacan diversas reparacións de pistas municipais, a mellora no contorno do centro socio cultural de Baíñas, diversos investimentos nos colexios públicos, recuperación de escolas unitarias e espazos públicos, e o ensanchamento da vía A Piroga – Baíñas.
Dende o grupo de goberno aseguran que "nesta proposta incorpóranse propostas de todos os grupos políticos, e concretamente, máis do 70% das iniciativas que plantexou a oposición no último pleno ordinario". Todas estas obras van agrupadas en sete proxectos distintos, para seren executados nos vindeiros meses.
O goberno quere destacar o ensanchamento da vía A Piroga – Baíñas, coa primeira fase incorporada neste plan, e que se completará en vindeiras actuacións.
Proposta do Plan DTC 94 do Concello de Vimianzo
- PROXECTO DE REPARACIÓN E MELLORA DE VÍAS RURAIS MUNICIPAIS NAS PARROQUIAS DE CEREIXO, VIMIANZO, CAMBEDA, SALTO E TINES E CASTRELO.
- 1. Vía Castro- Reparada (Salto).
- 2. Vía Furaca-Costa da Forca (Baíñas). - PROXECTO DE MELLORA DE VÍAS RURAIS MUNICIPAIS NAS PARROQUIAS DE BAIÑAS E SERRAMO.
- 1. Vía Santa Comba- Malle (Baíñas)
- 2. Vía Novelle-Brañas Vilanova (Serramo)
- 3. Vía Quitiande –Comareiro (Serramo) - PROXECTO DE MELLORA DE VÍAS RURAIS MUNICIPAIS NAS PARROQUIAS DE BAIÑAS E SALTO.
- 1. Vía Esquipa-Porto Cereixo (Cereixo).
- 2. Vía Valiña-Campo da Areosa (Vimianzo).
- 3. Vía interior de Sansobre (Cambeda).
- 4. Vía Castro-Cruce de Pedreira (Salto).
- 5. Vía Vilaseco; Vía lugar de Vilar (Castrelo). - MELLORAS NO ENTORNO DA CASA DA CULTURA DE BAIÑAS.
- 1. Urbanización ( acceso con beirarruas dende o nucleo de Baíñas)
- 2. Pavimentación Entorno Casa da Cultura
- 3. Peche da parcela - ACTUACIÓNS NO PATRIMONIO MUNICIPAL EN TINES E VIMIANZO.
- 1. Entorno escola de Tines
- 2. Reparacións no Colexio San Vicenzo de Vimianzo.
- 3. Reparacións no Ximnasio de Vimianzo.
- 4. Selado de escaleiras de acceso a Casa do Concello e Casa dá Cultura. - REPARACIÓN E ACONDICIONAMENTO DE EDIFICIOS MUNICIPAIS NA PARROQUIA DE BAÍÑAS
- 1. Pintado Colexio de Baíñas.
- 2. Actuacións Polideportivo de Baíñas.
- 3. Escola Unitaria de Padreiro. - ENSANCHE DA ESTRADA BAMIRO A BAIÑAS (TREITO TINES- TREOS)
- 1. Actuacións en ambos marxes da vía; lonxitude 2,6 km. - TOTAL PRESUPOSTO DE CONTRATA: 326.839,66€
Novas relacionadas
- O Concello de Vimianzo poderá pagar a prazos a Casa da Cultura.
- Ampliación de 3 km da estrada Baio-Baíñas.
- Xa hai máis de 50 inscritos para viaxar á Idade de Ferro en Vimianzo.
- Reanudadas as obras de saneamento de A Piroga.
Fonte
- Nota de prensa do Concello de Vimianzo.