Martes. 13.04.2021
El tiempo

Vimianzo investigará os feitos vandálicos no dolmen de Pedra Cuberta

Unha das pintadas na Pedra Cuberta
Unha das pintadas na Pedra Cuberta
Vimianzo investigará os feitos vandálicos no dolmen de Pedra Cuberta

Este pasado domingo 4 de abril apareceron no dolmen de Pedra Cuberta uns motivos realizados en xiz e que simulan un gato xunto a unha persoa. Con todo, a maneira de estar realizados con este produto, non é un atenuante do feito en si.

Por iso, o Concello de Vimianzo, ademais de “condenar rotundamente estes feitos vandálicos” afirma que “abrirá unha investigación para resolver o acontecido”. O goberno local xa ordenou un estudo técnico sobre a afectación das pintadas neste ben patrimonial, así como o procedemento a iniciar para a súa eliminación.

O Concello recoñece que conta cunha “liña de traballo continuísta para a preservación e conservación do seu patrimonio arqueolóxico” xa dende gobernos anteriores. Actualmente con accións como as Rutas Patrimoniais artelladas en Semana Santa.

Novas relacionadas

comentarios