A Coral Xan Mella de Baio prepárase para as próximas actuacións
08:04 17/04/18
A Coral Xan Mella actúa o próximo 28 de abril en Portugal
Os membros da Coral Xan Mella de Baio xa están preparándose para as próximas actuacións. A primeira delas será o sábado 28 de abril no marco dun encontro de corais que terá lugar no auditorio do Centro de Negocios de Oliveira de Azemeis, en Portugal. A coral dirixida por Tatiana Pankrátova presentará aquí un programa ecléctico de polifonía litúrxica, folclore internacional, música pop e cantigas galegas. Ao día seguinte coralistas e acompañantes visitarán as vilas de Aveiro e Porto. Na organización deste intercambio colaboran o concello de Zas e a Deputación de A Coruña.
A seguinte cita será na casa o 12 de maio, día no que Baio se convertirá na capital da polifonía máis xoven de Galicia coa celebración do XI Encontro de coros infantís e Xuvenís que patrocina FECOGA e organiza a AMC Pepe Valiña-Coral Xan Mella coa colaboración do concello de Zas e da parroquia de Santa María.
No festival polifónico, que se celebrará na igrexa nova de Baio ás 19:00, horas actuará de anfitrión o Coro Xoven da ESMU Pepe Valiña de Baio e participarán outras tres corais de Ourense, Lugo e Pontevedra seleccionadas pola Federación Coral Galega.
Novas relacionadas
- A Coral Xan Mella pechou un completo curso co clásico Memorial Pepe Valiña
- A Coral Xan Mella de Baio levou o seu repertorio ata Asturias
- A coral Xan Mella celebra a súa tradicional comida
- A Coral Xan Mella ponse de xira polo 15º aniversario
- A gran familia da Coral Xan Mella de Baio cumpliu os seus 10 anos
- A Oviedo coa Coral Xan Mella
- A Xan Mella viviu unha intensa fin de semana.
- A Coral Xan Mella celebra o éxito do Encontro cunha boa cachela de San Xoán.
- Redacción QPC ([email protected])
- Coral Xan Mella