A Coral Xan Mella queceu a voz en Valdoviño para o internacional Memorial Pepe Valiña
05:48 12/12/18
Comida dos Coralistas da Xan Mella de Baio
Xa queda pouco para celebrar en Baio o XV Memorial Pepe Valiña, o tradicional concerto de Nadal co que a Coral Xan Mella pecha o ano.
E para ter a voz preparada, a entidade tivo unha intensa actividade esta pasada ponte. O xoves 6, cantantes e amigos, celebraron a tradicional Comida do Coralista nunha finca do Allo xentilmente cedida por Emilio Busto. Foi un cocido pantagruélico cociñado por Luis Pérez coa inestimable axuda de Carmen Corral e Enrique Mel.
Sen tempo case a facer a dixestión, o sábado 8 a coral Xan Mella viaxou a Meirás de Valdoviño para participar no XVIII Festival de panxoliñas convidados pola Coral Alentía e na que tamén actuaron a Coral Atlántico de Noia e a Coral de Espasante. Ao rematar as catro corais xuntas cantaron "Noite de Paz".
A Coral Xan Mella de Baio en Valdoviño