Aparatoso accidente tras un choque frontal na ponte de Brandomil
09:04 30/07/18
Choque frontal na ponte de Brandomil
Espectacular accidente o que tivo lugar este pasado domingo 29 de xullo, arredor das 17:30h a na AC-441, concretamente no punto quilométrico 4,900, a altura da ponte de Brandomil, no Concello de Zas. Dous vehículos sufrían unha colisión frontal moi aparatosa, quedando un dos condutores atrapado no interios do seu vehículo.
Ao lugar acodiron Bombeiros de Xallas, de Protección Civil, da Garda Civil de Tráfico e do 061-Urxencias Sanitarias, que mobilizou ao helicóptero medicalizado con base en Santiago, aínda que finalmente non chegou a intervir. Si que interviron os Bombeiros xalleiros, que tiveron que excarcerar ao ferido que, unha vez liberado, foi trasladado a un centro médico nunha ambulancia.
