Santi Romay, padriño dos Premios Fouciño
08:20 16/05/18
Santi Romay estará por Baio o próximo 30 de xuño no marco do festival dos Premios Fouciño
Na mente da maioría dos galegos sigue sendo Fito, aquel rapaz de Malpica que saltou á pantalla da televisión con tan só 15 anos como un dos actores da serie Mareas Vivas. Así que o próximo 30 de xuño, cando visite Baio, seguro que máis dun recoñecerá a Santi Romay. Alí estará como padriño da III edición dos Premios Fouciño xa que este ano recae nel ese papel.
[fbvideo link="https://www.facebook.com/premiosfoucino/videos/2166266713388623/" width="500" height="400" onlyvideo="1"]
Ese será o día no que se proxectarán as curtas finalistas, no que haberá unha mesa redonda ao redor do sector audiovisual, obradoiros, concertos ao aire libre e unha entrega de premios na que participará Santi Romay. Dende o seu debut en Mareas Vivas, o malpicán non parou de sumar éxitos dentro dos distintos ámbitos do sector audiovisual. Vímolo en series como As leis de Celavella, Hospital Central, A miña sogra e máis, Somos unha potenzia, entre outras, e tamén no cine en filmes como Por mi y por todos mis compañeros, Go’el e O tesouro. Santi Romay é o protagonista de “O tolleito de Inishmaan”, unha obra de teatro
dirixida por Candido Pazó e obtivo recoñecidos premios, entre ele o premio ao Mellor Actor Protagonista dos XXl Premios de Teatro María Casares. Como xa recollemos no seu día, é fácil ver a Santi en todos os "fregaos" así que suma ás súas costas un máis.
Curtas
Mentras o día do certame non chega, o Concello de Zas - organizador do evento - mantén aberto ata o 31 de maio o prazo de presentación das curtametraxes. A participación divídese en dúas categorías; unha para centros de ensino e outra aberta para o público en xeral. En calquera dos dous casos a temática é libre e as pezas deberán ter unha duración máxima de cinco
minutos e ser en galego ou posuír os subtítulos en galego. As bases poden consultarse na páxina web municipal.
Entre todas as pezas presentadas na categoría libre seleccionaranse dez finalistas e outras tres de reserva. No caso da categoría para centros de ensino, sempre e cando cumpran os requisitos establecidos, pasarán á final todas as curtas presentadas. En total, repartiranse 1.000 euros en premios; dos cales, 300€ son para a categoría dos centros de ensino e 700€ para a
categoría aberta.
Novas relacionadas
- Fouciño 18: MounQup e Igmig traerán as súas músicas ao festival dos Premios Fouciño
- Fouciño 18: Os Fouciños asaltan as aulas
- Fouciño 18: Os Fouciño volverán situar a Baio no centro do audiovisual galego.
- Interplay 18: O V Carballo Interplay recibe 256 webseries de todo o mundo.
- Fouciño 17: Curtas e moito máis nos Premios Fouciño de Baio:
- 06-07-17: Lucía Regueiro: “O sábado estarei por Baio para gozar coas curtamentraxes que participan nos Premios Fouciño”
- 25-06-17: “Cos Premios Fouciño queremos premiar a creatividade audiovisual da veciñanza”
- 20-06-17: Unha nova falsa sobre o descubrimento dunha anticitera serve de base para unha curta dos Premios Fouciño
- Fouciño 2016: Os Premios Fouciño convertiron a Baio na capital audiovisual da Costa da Morte
- Un fouciño audiovisual para loitar contra o illamento cultural da Costa da Morte:
- Curtas, charlas e un concerto protagonizan os Premios Fouciño de Baio.
- Os Premios Fouciño, os irmáns pequenos do Carballo Interplay
- Adro crea os ‘Premios Fouciño do audiovisual’.
Fonte
- Redacción de QPC ([email protected]).