Mércores. 04.08.2021
El tiempo

Zas recolle máis de 11.000 quilos de cartón comercial no primeiro semestre do ano

carton comercial
Zas recolle máis de 11.000 quilos de cartón comercial no primeiro semestre do ano

Aumenta o uso do servizo de recollida de cartón comercial, que o Concello de Zas realiza, de xeito gratuíto, cada tarde de mércores porta a porta nos establecimentos que así o solicitan. Durante o primeiro semestre foron 11.010 quilos de cartón comercial que se destinaron ás plantas de reciclaxe para alongar así a súa vida útil, un lixeiro incremento respecto ao ano pasado, xa que ao longo de todo o 2020 recolléronse 19.210 quilos de cartón.

Os establecementos que non estean adheridos e que lles interese facelo tan só teñen que chamar ao Concello de Zas (981 70 83 03).

O servizo permite que o cartón comercial non sature os colectores das vilas, que son de uso prioritario para a veciñanza. Así, a veciñanza leva reciclados ao longo do que vai de ano 12.915 quilogramos deste material.

Axenda de fin de seman

Esta fin de semana o Concello organiza, no marco do seu completo programa de actividades, unha Ruta Fluvial por Baio (o sábado a partir das 10:00h. E pola tarde, ás 17:00h na Praza do Concello de Zas, unha sesión de circo acrobático para todas os públicos con Destronauts.

Para ambas citas é necesario reservar praza no Centro Sociocultural de Baio: 981 71 80 56 (de L-V de 09:00 a 14:00 horas) ou no Centro Sociocultural de Zas: 981 75 13 98 (de L-V de 09:00 a 14:00 horas).

comentarios