Novas de pavimentación na Laracha. Desta volta, vén de realizar unha intervención na rúa Ramón Cabanillas (antiga 3ª travesía López Astray) do casco urbano da Laracha. Incluíu a renovación do firme nos seus 134 metros de lonxitude ao longo dos que presenta unha anchura media de 5,5 metros. O proxecto aproveitou para acometer a mellora da rede de recollida de augas pluviais.

Selección de persoal

160 persoas foron as que se inscribiron para o proceso de selección dun auxiliar administrativo como funcionario interino.O Concello lanza esta oferta para executar programas de carácter temporal e cubrir necesidades urxentes ante o volume de traballo motivado polo incremento da tramitación de expedientes administrativos pola crise do coronavirus.

A listaxe provisional de admitidos recolle tamén os 15 que quedaron inicialmente excluidos e que teñen 5 días para presentar alegacións ou a información pendente.

A selección farase polo sistema de concurso-oposición. Na fase de concurso valoraranse as titulacións académicas e os curso formativos dos aspirantes. A fase de oposición consistirá na realización dunha proba tipo test de cincuenta preguntas.