Xoves. 28.03.2024
El tiempo

30 produtores estarán no V Mercado Ecolóxico de Quilmas

30 produtores estarán no V Mercado Ecolóxico de Quilmas
Mercado Ecoloxico de Quilmas

30 produtores de horta, froitas, cereais, queixo, leite, cervexa, apicultores, artesáns... de toda Galicia estarán este domingo 26 de agosto no V Mercado Ecolóxico de Quilmas. Un Mercado artellado pola Cooperativa de Agricultura Ecolóxica Raínha Lupa e que xa é toda unha referencia a nivel provincial.

Malia que na Costa da Morte aínda non esteamos acostumados a consumir esta clase de produtos, a conciencia medioambiental vai calando na sociedade e o respecto vai medrando. Estas iniciativas de saír á rúa son moi positivas pois a veciñanza pode ver de primeira man a espectacular calidade do produto ecolóxico e de proximidade.
I é que precisamente o darlle saída aos produtos locais é unha das teimas da agricultura eco-lóxica, que escapa das grandes viaxes dos produtos dende América para acabar nos nosos pratos.

V Mercado Ecolóxico de Quilmas

V Mercado Ecolóxico da Raínha Lupa de Quilmas

O formato do mercado será similar aos anteriores e realizarase na explanada que hai na subida a Moa dende Quilmas. Este lugar foi escollido polas magníficas vistas que se poden desfrutar dende aló, é un espazo realmente especial co Monte Pindo ás espaldas e a boca da Ría de Corcubión de frente, co Cabo Fisterra ao fondo.

Nesta ocasión o mercado centrarase nos alimentos procedentes das hortas galegas, especialmente nas variedades autóctonas de hortalizas, froitas e cereais. Como atractivo especial haberá unha degustación de tomates ecolóxicos. Tamén contarán con elaboradores de queixos típicos como de San Simón da Costa e Arzúa Ulloa, elaborado con leite crú ecolóxico. Isto entre outras moitas sorpresas.

Novas relacionadas

Fonte

Comentarios