A Costa da Morte de Lois Patiño encandila ao público do Festival de Florencia
Xa triunfou no Festival de Locarno. E segue colleitando premios a documental de Lois Patiño 'Costa da Morte', realizado por Zeitun Films. Desta volta vén de obter o Premio do Público e unha mención especial do xurado na 54ª edición do Festival dei Popoli de Florencia.
Tras o triunfo de Locarno e o galardón á Mellor Película de non ficción na sección Novas Olas do Festival de Cine Europeo de Sevilla (SEFF) 2013, a documental segue levando o nome da nosa bisbarra polo mundo enteiro. Segue levando a nosa salvaxe natureza e a nosa realidade económica, facendo fincapé na forte influencia da natureza nas nosas vidas. Un exemplo é o protagonismo dos percebeiros na obra.
A documental segue percorrendo mundo. Esta pasada semana presentábase no Festival REC de Tarragona, e tamén na III Muestra de Cine Europeo de Lanzarote.
No CGAI da Coruña
Para quen poida, o filme poderá verse no Centro Galego das Artes da Imaxe (CGAI), da Coruña, 19 (20.30 horas) e 20 de decembro (18.00 horas), e o primeiro dos pases contará coa presenza do director.
Máis información
Novas relacionadas
- A Costa da Morte de Lois Patiño triunfa en Locarno.
- A Costa da Morte de Lois Patiño ao Festival de Locarno.
- A paisaxe e a tradición da Costa da Morte protagonizan a próxima documental de Lois Patiño.
Máis novas
- Dunha casa no Ézaro a un cubo en NY.
- Sicixia, a primeira película que se rodará integramente na Costa da Morte.
- O Naufraxio de Laxe protagonista dunha documental con 50 anos de historia.
- A Illa do Lixo. Unha nova xoia audiovisual do IES de Baio.
- Un sitio distinto: A primeira serie de animación con D.O. Bergantiños.
- O apagón do torreiro.
- A documental Lira gaña o premio do público no Green Up Film Festival.
Fonte
- Redacción de QPC ([email protected]).
