Liñas de evacuación eléctrica do parque eólico de Mouriños-Fonte-Salvemos Cabana

A Plataforma Salvemos Cabana vén de presentar unhas novas alegacións contra o proxecto eólico Mouriños, desta volta sobre a liña de evacuación eléctrica. A Plataforma considera que a iniciativa “non avalía correctamente os posibles efectos sinérxicos e acumulativos en relación coas infraestruturas e liña eléctrica de evacuación do proxecto Pena Forcada-Catasol II”, que Gas Natural está a proxectar en Laxe, a apenas 5km de distancia. Neste sentido considera que os dous proxectos industriais non se poden “fragmentar”, como veñen dicindo tribunais nacionais e internacionais.

Denuncia tamén que os informes non avalían tampouco “as posibles afeccións sobre os hábitats e as especies de interese comunitario presentes na zona.

Por iso, a Plataforma considera que “este feito invalida o procedemento administrativo tal como está a realizarse pola Xunta, que debería plantexarse dende cero integrando todos os proxectos presentados nun único expediente e valorando conxuntamente as afeccións socioambientais do mesmo, razón pola que solicitou a desestimación da autorización administrativa e de construción, a declaración de utlidad pública e de urxente ocupación, a declaración sectorial de incidencia supramunicipal e a emisión dunha declaración de impacto ambiental desfavorable en virtude das deficiencias no proceso de tramitación do proxecto eólico Mouriños e os seus expedientes complementarios”.

Copia e pega

Paralelamente considera sorprendente que “na sección "Programa de calidade ambiental" do proxecto de execución da liña eléctrica cítanse de maneira reiterada departamentos e normativas do País Vasco no que parece máis ben tratarse dun copia-pega da documentación doutro proxecto industrial presentado en Euskadi que dunha errata accidental”.

Así, entre outros apartados, en canto á protección do patrimonio cultural faise referencia ao "contacto co Dpto. de Patrimonio do Gobierno Vasco para comprobar a posible inclusión no inventario de patrimonio arqueolóxico e arquitectónico de novos achados na zona de obras”.

Novas relacionadas

• 21-08-17: Adega tamén lamenta o baixo canon que recibirán os Concellos dos proxectos eólicos de Cabana e Laxe.
• Agosto 2017: Critican que Gas Natural non contemple dispositivos de protección de aves nos novos proxectos eólicos.
• Agosto 2017: Fotodesfeita: Pintadas non.
• Agosto 2017: O parque eólico de Laxe chega ao Parlamento Europeo.
• Agosto 2017: O proxecto eólico de Mouriños afectaría a dous elementos arqueolóxicos catalogados.
• Agosto 2017: O Manifesto de Laxe contra os eólicos.
• Xullo 2017: A Xunta acelera dous parques eólicos en Laxe e Cabana pese a forte oposición.
• Xullo 2017: O novo proxecto eólico Mouriños ameaza o esteiro do Anllóns e unha ave protexida.
• Decembro 2016: O Concello de Laxe e as asociacións ratifican o seu rexeitamento aos eólicos.
• Decembro 2016: Un Castelo medieval contra a invasión dos viraventos.
• Febreiro 2016: O Catálogo da Paisaxe abre o prazo de alegacións e alonxa aos eólicos de Laxe.
• Xaneiro 2016: Concello e Asociacións piden manter Laxe como o único Concello da Costa da Morte libre de eólicos.

Outras novas eólicas

• Dous aeroxeneradores sustitúen aos 22 muíños do parque eólico de cabo Vilán.
• Santa Comba, berce do primeiro viravento comercial.
• Decembro 2014: Dous novos parques eólicos ameazan os montes de Bergantiños e Soneira.
• Agosto 2012: Rotunda oposición ao parque eólico Outes-Mazaricos.
• Agosto 2012: 23 eólicos ocuparán a fachada marítima de Touriñán.

 

Fonte

• Redacción de QPC ([email protected]).