A ponte de Brandomil recupera a súa historia peregrina
Se na outra banda do Camiño andan proxectando a mellora da seguridade dos peregrinos na Ponte Olveira, por Brandomil seguen facendo o Camiño para reivindicar a ruta que pasaba pola ponte cara Muxía.
Arrincaron a pasada fin de semana dende Compostela, e este sábado, na segunda convocatoria organizada pola Asociación Grandimirum, aumento a afluencia de “peregrinos” locais sumándose máis de 20 viandantes.
Precisamente a parroquia zasense de Brandomil foi o final da etapa dos case 30 km. Unha etapa que saía de Vilar de Torre e que pasaba por diante das casas de moitos dos participantes pola localidades de Trece, Costa, A Pereira ou San Cosme, seguindo as indicacións das frechas azuis marcadas polas diferentes asociacións involucradas.
A terceira e etapa farase o próximo sábado 10 de setembro, dende Brandomil ata Muxía, percorrendo os últimos 30 kilómetros, e chegando a Muxía.
O Concello de Zas colabora coa asociación Grandimirum neste proxecto de recuperación histórica.
Novas relacionadas
- Proxectada a ampliación da Ponte Olveira para mellorar a seguridade dos peregrinos.
- A Asociación Grandimirum propón unha ruta xalleira alternativa do Camiño.
Fonte
- Asociación Grandimirum.