Imprimir

Angel Carracedo, novo presidente da academia internacional de Medicina Legal

Lorena Martínez | 08 de xuño de 2018

Dende esta mesma semana, a Academia Internacional de Medicina Legal (IALM) ten un presidente da zona. Durante o 24º congreso da Academia, que se desenvolve ata hoxe en Fukuoka (Xapón), elixiuse ao catedrático de Medicina Legal da USC e director da Fundación Pública Galega de Medicina Xenómica, Ángel Carracedo, como o novo presidente desta academia internacional A Academia Internacional de Medicina Legal, antes coñecida como a Academia Internacional de Medicina Legal e Medicina Social, foi fundada en 1938 na cidade de Bonn (Alemaña). O seu principal obxectivo é promover o progreso científico no campo da Medicina Legal, polo que promove a colaboración e o intercambio de información entre especialistas a nivel internacional. Con esta finalidade, a Academia organiza reunións e congresos científicos para establecer directrices e recomendacións nas diferentes áreas de Medicina Legal e a través das publicacións científicas. A IALM ten como propósito colaborar con outras sociedades científicas neste eido, así como proporcionar coñecemento e experiencia para dar resposta ás consultas públicas relacionadas coa disciplina da Medicina Legal. A Academia integra organizacións médico-legais do ámbito internacional e conta con representantes da maioría de países de todos os continentes.

Máis información

  • Concello de Santa Comba: CV de Ángel Carracedo.
  • GCiencia: Ángel Carracedo, Premio Nacional de Xenética.

Novas relacionadas

Fonte

Podes ver este artigo na próxima dirección /articulo/costa-da-morte/angel-carracedo-novo-presidente-da-academia-internacional-de-medicina-legal/20180608061216088270.html


© 2020 que pasa na costa

COPYRIGHT 2019 QUE PASA NA COSTA

Banner xunta axudas copia